呢幾年聽太多客人同朋友話:「我轉左支金盞花 Toner 就爛面啦!」、「我轉左支青 Toner 就係咁出油!」、「我轉左支綠茶 Toner 塊面就勁痕啦!」🙈🙈🙈
一支好既 Toner 實在實在太重要!洗完面沖完涼第一個接觸既 Skincare係佢,份子比精華面霜都要細得多!重點係”識用”!識用 Toner,係一個對皮膚既眷顧,唔識用 Toner,會錯過左好多好多皮膚既進步空間!搵到一支好既 Toner 絕對要 D 運氣,而用左唔岩自己既 Toner 就可大可小!
今日主角係 Pitanium Clarifying Tonic ”透明通拿”,一支無膚質限制,咩膚質都岩用,同時唔會引發任何問題,皮膚只會愈用愈好,問題愈黎愈少!
前排將佢比左幾個朋友試,個個都話:好好用!快 D 出!
其實我聽個時真係好想知,透明通拿無色無味又好水,究竟佢地可以有 D 咩睇法,而覺得好好用呢?😂)
其實之前買過一支 C 字頭既法國既 Toner,我真係好鍾意好鍾意(原料短缺已經停產了😕),佢就係 Exactly 呢種水到不得了既 Texture,無色無味,第一次用既時候,我仲係覺得咁細支咁似水既野點解賣成 9百蚊?用左一個星期之後,我開始覺得佢超值! D 皮膚好軟、毛孔好乾淨、好通透好有光澤,最重要既係,D 粒粒再無得閒就走出黎😮
其實好既 Toner 係要咁簡單,反而呢幾年 D 品牌夾硬塞多左好多高強度既成份入去,令到好既 Toner 真係愈黎愈罕有,Toner 既作用比起提供營養比皮膚,更加注重點樣拎走/淨化一 D 本身唔應該係健康皮膚度既野,同時可以穩定皮膚狀態,令皮膚可以好好咁吸收同埋運用之後搽既 Skincare!
Pitanium 透明通拿,係完全 100%最正統既 Toner 基因,用左 2021製造技術既產物!如果有潔癖,絕對會愛不釋手!搽就搽到皮膚好好,抺就抺到皮膚好乾淨,無錯!係抺!佢既特點係超強污垢分離力,淨化肌底!佢加入左大量既親膚淨化小粒子,可以將唔屬於皮膚既大小粒子同皮膚分離!而我既習慣係洗完面後一定會用佢倒係濕棉係面上打幾圈,抺完係見到棉上面有灰灰黃黃既野抺左出黎,個 D 就係平時落妝洗面都洗唔到既底層污染同埋油垢,當皮膚底面都乾淨晒,唔單止吸收好多,連色澤都已經係兩回事!
有 Toner 加棉抺呢個習慣 1-2個星期之後,會發現皮膚通透同埋有多 D 血色,原因係除左乾淨之外仲因為皮膚無晒老化角質,透明通拿本身有軟化角質同埋小份子保濕既功能,每一次用棉抺既時候,其實都係一次皮膚既 Daily Peel,將個一日推出黎既老化角質去走,令皮膚每日 Keep 得住表面既高折射度!咁就做到皮膚有通透同細緻既觀感🤤
另一個用法,Pre-Cleansing!即係話,如果皮膚偏敏感,有時會用一 D 比較強度高 D 既洗面、護膚品之前,搽左佢先或者先用佢黎抺面,皮膚細胞會進入一個鎮靜既穩定狀態,硬淨好多唔會咁易敏感同時又會增加到皮膚既吸收力😈
仲記唔記得以前好興既導出導入機?永遠都係導出先再到導入,可以咁去理解,唔導出其實導入一定唔會有效率,皮膚唔係一個最輕鬆既”Mood”又唔夠 Capacity,導入幾多山珍海味比皮膚都吸收唔到,吸收到都用唔到!而 Pitanium 透明通拿,就係要 2021年既最新配方,深入皮膚取代成個導出過程!每次用都係一次皮膚淨化、導出同埋 Daily 去除老化角質!除左有潔癖既用家,成日覺得自己出油、食煙、同埋毛孔唔夠乾淨既用家,佢會比到一種又乾淨又舒服既快感你😍
我成日都覺得,揀 Toner 最大既盲點就係分膚質!淨係分乾性油性敏感去揀,會令到好多時簡簡單單想要支令皮膚好既 Toner 都無乜選擇,但係其實無論咩膚質都好,”乾淨”同埋”水份”都一定岩洗, 愈乾淨、愈夠水份既皮膚,一定愈好!而 Pitanium 透明通拿,就係令我地既皮膚徹底既乾淨、鎮靜、夠水份,好既皮膚,就係係一支好 Toner!