新寵兒🥰 2.0出色太多，甚至乎我會話佢唔係一個1.0 upgrade版本，直頭係一個 2023年新產品🧐
妝修佬 2.0👷🏻♂️佢已經直接比我覺得佢係 Skincare，令個妝滑好多只係順手😎搽上面佢似一個極強 calming 版既 Pitanium 鎖水佬，一推開佢就好似覺得一浸 cooling coverage 係皮膚表面著陸左，之後慢慢滲透去毛孔同皮膚入面。全日都 calming、補水、一點油光都無。
甚至乎我會話妝修佬 2.0👷🏻♂️ 本身就係一個妝，搽完唔再 on top 化妝，素顏行出街都好有說服力！！月光寶盒令用家幾下手勢就有個完整既高質底妝，妝修佬 2.0 比用家一個高質素顏！！素顏既天花板😎 全日塊面有種好滑既 matt、無乾紋、毛孔、出油同埋明顯既印，行出黎唔似係因為懶而素顏，而係因為皮膚靚而素顏。
抗油光對於我黎講係一個好好既恩典😈 我呢 D 乾面用家都好多時鍾意用比較潤既 serum 同 cream，搽完 skincare 之後有一浸油潤感會係塊面出面，上妝夠貼既但就唔夠 matt 少左種高級感。用完妝修佬 2.0👷🏻♂️將所有搽過既 skincare 收晒入皮膚入面，依然係有充足彈性但皮膚表面既油光會變成一種滑手既 matt，毛孔無左、細紋位漲平番，而係 matt finishing 既底下，係漲卜卜既飽滿感，就係咁 amazing😲持續一整天！
舊式 Primer 有 2種，一種叫隔離霜，只係表面做到暫時性既補濕、控油、提亮；而第二種就係用 chemicals 去填窿窿，將皮膚唔平既位填平，令皮膚表面平滑易上妝，而呢層物體就會將皮膚同妝物「隔開」，減少妝物同皮膚接觸，但係最伏反而係 primer，係 primer 既 chemicals 塞毛孔令皮膚出現炎症，而且會令皮膚有一種額外"重量"，硬係覺得用完 primer 個妝厚重唔透氣😪 所以我以前只會係需要認真化妝先會捨得用 primer，某程度上對我黎講係一種取捨。
妝修佬 2.0👷🏻♂️可以盡量用！放膽用！即管用！佢唔再係「隔開」皮膚同妝物，係「縮窄」皮膚同妝物之間既距離，先將搽過既 skincare 收晒入皮膚，然後係強化皮膚自身角質層著手，將本身企起身既角質瞓返低，然後持續性地滲透補水令角質黏住黏住！所以用家用完妝修佬 2.0👷🏻♂️會覺得搽多左野，但個妝反而薄左貼左好多，唔係厚左重左，係好透氣而且全日都唔會變暗！！本身一層健康既角質層已經係最好最自然既防衛，又做到野又高透氣！無左毛孔、油脂、角質，而家個妝連厚度同傷害性都冇埋🤏🏻 仲塞毛孔？收毛孔就有😎 缺水同毛孔黑頭問題都會愈用愈少！
仲有上一代妝修佬係手既用家，用完先再試 2.0啦🙈 就算 1.0好出色，但係一用 2.0都係會感受到當中好有差距，2.0基本上係 2023新品，唔係用 1.0 upgrade 上去，成份已經唔同，連顏色都由淺綠色鎮靜到淺藍色，名字由1.0 Pi-chilling Primer 變左做 Blue Coverage，我地 R&D 角度，呢層護膚意識好高既 Blue Coverage 同 Primer 呢個傳統化妝產物再無任何關係同比較性，Blue Coverage 靚太多，太錫皮膚啦🥹
妝修佬 2.0👷🏻♂️既妝容保鮮實力唔止係上一代既分段式釋水既儲水份粉末，仲有 2023 最新既持續鎮靜技術！好易標水標油既皮膚，掂啦今次！佢會持續地釋放水份之外，仲有細胞鎮靜精華，安撫 over-active 既皮膚細胞，唔係控油。。係鎮靜！令細胞冷靜知道唔需要出咁多油，而唔係夾硬唔比皮膚出油！油少、缺水少、敏感少，化妝既話妝既表現好到不得了！皮膚輕鬆好多！夏天既話，會有巨大感受！如果有毛孔同黑頭問題既用家，同我一樣咁日日用，用完半支會見到問題位置企理左好多好多。
妝修佬 2.0👷🏻♂️所有野都更出色，仲要簡單左，完成基本既補濕之後，當佢精華咁打圈搽，就係舒服左、靚左、皮膚好左，乾性皮膚可以搽左面霜搽佢，油性皮膚有佢日霜都唔使搽，涼浸浸全日好舒服同夠水份。
用法黎喇！同 1.0最唔同既係，1.0我地會建議先搽防曬再搽妝修佬，而 2.0 係搽防曬先搽防曬後都得，2個用法 2種妝感！
止外光／止外線 > 妝修佬，水潤感同光澤感係由個底到滲出黎，岩乾性皮膚！
妝修佬 > 止外光／止外線，就會係底層清爽飽滿、面層乾淨光澤，岩油性皮膚！
2種用法都係可以直接出街或 on top 化返底妝！
妝修佬 2.0👷🏻♂️純素、零 paraben、零礦物油、零 D5、零滑石粉，仲加入左大量精華能量，係 100% 溺愛皮膚🤓 以前既 primer 唔係我每一日都會用既野，怕傷皮膚，真係要認真化妝先會用到！但係妝修佬 2.0👷🏻♂️全公司都喪用，試過已經落坑。我每日就算唔化妝都好，我都照用。因為皮膚 texture 會滑好多，有護膚價值同時出街熱呀笠呀都會覺得舒服好多！
