其實我好想留長d 頭髮😭

成Set Pitanium 孕髮養髮系列都係針對頭皮健康，針對髮量，實行有頭髮，夠髮量先講髮質既邏輯😎 但係我髮量髮質都要。。又想多又想靚✌🏻

研發孕髮養髮系統既井上教授同埋佢既團隊都同我地講過。。針對頭皮健康同頭髮健康係兩邊極端，如果一支洗頭水係講到明加強頭髮鎖色、柔順同埋滑。。係最易同成本最低既。。入面只係要一大堆黏係頭髮表面既潤滑油。。但基本上99.9%係會塞毛囊，引發頭髮幼化同埋慢性脫髮😱

我問：咁點算？？？？

教授：將洗頭、護頭皮同埋護髮既步驟拆開，只比護頭皮既產品掂頭皮，護髮既產品只係掂到頭髮！

我：即係髮尾油！

教授：髮尾油係重油份既產品，如果天然同成份靚既髮尾油，係會有柔順同埋厚重既感覺，佢係頭髮既化妝品，令頭髮好睇d，但唔會入到髮幹同埋對毛髮出面既毛鱗片無咩修復作用，一洗就會無左

我：咁即係咩？即係頭髮漂兩次都係會爛。。只係爛得好睇d？

教授：唔係，有一d 你地平時無機會用既產品，將佢搽上受傷既頭髮，佢會滲入個髮幹，逐層逐層咁撫平毛鱗片去鎖番住入面既養份同埋水份。。但係日本人大部份都無護髮，只有造型意識，所以我地都只係內部推出比用家！

我心諗：有護髮意識嫁。。唔護頭髮邊生得粗生得長。。唔護邊有得漂。。唔護邊有Quota 比我傷佢😂(咁諗係好唔正確，但都好合理姐😂😂)

之後我地就行上一層，入左Lab 玩呢隻產品。。。

一支乳霜狀既頭髮Cream，就咁搽上個頭，唔係講玩喎，感覺好似一切惡夢都完咁😂 呢枝野，係洗頭後，吹頭前用，因為頭髮濕既時候用！一搽好快吸左入去頭髮到，又唔似髮尾油咁掛一左層油既Texture 係面咁，而係好似穿過左頭髮表面入左髮幹入面，之後就吹頭，吹完頭我哇左出聲，可能我之前d 頭髮真係傷得太緊要！即時好柔順！同埋平時乾到開哂叉變左鐵線果d 位正常番😱頭髮會即時變得好有彈性，冇左平時乾到一梳就梳到d 結同埋梳斷d 頭髮咁，頭髮會變得軟身，但係唔係塌晒油笠笠無支撐個隻軟，而係充滿住水份有韌性個種柔軟，頭髮表面亦都會有光澤番同滑番！好易handle 好易捲😂  雖然係洗完頭再搽上去，之後直接吹乾就得，但吹完頭之後你唔會覺得有野係頭髮上面，頭髮仲係輕身既😌不得了。。好似又有Quota 玩🤣

我第一次用既時候，頭髮係粉紅色，用完之後我發現我既頭髮既顏色無咁啞色，即係我可以有漂出黎既色，但係又有新頭髮既Texture 同光澤喎！

咁樣既Product 真係唔可以唔出，我用左3個月，d 髮質係持續咁明顯改善！佢就係Pitanium 潤發哥😎潤頭髮，潤毛鱗！！

留意！重點係毛鱗片📣 每一條頭髮放大200倍睇，頭髮表面都會係一片片好似魚鱗既野，佢叫做毛鱗片，好似盔甲咁保護住髮幹，令成個結構硬淨，而且可以好好鎖住頭髮入面既水份！每一條健康既新頭髮都會有7－9層好貼服既毛鱗片！但係熱風、氧化、淨電、化學劑同埋造型用品通通都會嚴重傷害毛鱗片既狀態，令毛鱗片反起企左係度！毛鱗片反起，頭髮表面會唔識折射，唔再滑、啞面、開叉、打kick。。。而且好似中門大開咁，水份養份都會自入自出，連顏色留唔住。。嚴重者呢7－9層既毛鱗片會脫落，攪到頭髮愈黎愈幼。。一扯就斷🥺

髮尾油同埋傳統護髮素屬於高油性，會黏住頭髮外層同埋黏平毛鱗片，令頭髮令番同滑番。。呢個就係教授講既化妝品，一洗就甩！但係潤髮哥就係頭髮既護膚品，構成大量既蛋白質、氨基酸、植物萃取油。。頭髮本身就係組成自蛋白質同埋氨基酸，所以一掂到潤髮哥既蛋白質同埋氨基酸就會主動吸，帶住植物萃取油滲入髮幹同埋一條頭髮最弱既位(斷裂鍵)，所以會令到已經乾旱左既就髮好似填充番咁。。不過填充唔係重點之全部🤓

毛鱗片反起最嚴重既問題，係漏水，養份易入易出，鎖唔住係頭髮入面。。而潤髮哥就唔同，入面既陽離子蛋白同氨基酸會先被吸入填充髮幹，然後陽離子會將頭髮內外既淨電抵消，令到頭髮會順晒同埋唔會開叉打kick，最後就係由髮幹開始由內到外將毛鱗片鞏固同埋痴番貼，所以好快就會見到頭髮既光澤同埋滑感會出番晒黎✌🏻當毛鱗片唔再反起，回復閉合狀態就可以鎖住被填充既水份同養份，頭髮唔單止係狀態好左，而係鞏固同埋重新結構工程！！

我日日用，洗完頭就用，搽係髮尾最傷既位置，唔使過水，之後吹頭，好乾爽一d 都唔厚重😎髮質會好好同埋硬淨，特別係用左一排，會好明顯少左好多斷髮，頭髮終於留得長同埋厚d，唔會生到一半又斷。。。對於我呢d 頭髮好傷同埋留唔長頭髮既人黎講，係必用😈

洗完頭即刻搽佢，仲可以避免吹頭同Set 頭既熱力傷到頭髮，我以前既頭髮一用捲髮器遇熱就會甩色，用左潤髮哥之後顏色係會靚左！

吹完頭夾完頭我有時仲會上一層好薄好薄既潤髮哥係乾髮上面當造型霜，唔傷頭髮仲Keep 到d！濕髮上全頭每次可以用6-8泵！而乾髮上只需要1泵，唔需要多，局部用就Ok！一支夠我用個半月至兩個月 <3 d 髮質會有好大既改善！