仲記得幾年前TROI 出既毛孔吸塵機，用完白左同埋光澤左一大截，好好用。。之後我就做左好大個research，搵到點解黏土呢樣野比上一個年代好hit 既潔面泥好用咁多。。我就知黏土係一件寶物！
泥(特別係個d 死海泥)，一般會做”控油”，佢就好似個又乾又瘦又無營養既物質，係用吸既方法導出晒面上既油份，然後再用水連泥帶油咁洗走，做到一個塊面無晒油既假象，過程中會拉扯同埋刺激皮膚，呢個唔係叫做控油，仲有機會適得其反令皮膚乾到出油。。
黏土，好少mask 會咁闊佬同埋有心思用佢黎做主要材料，又貴又唔係太多用家識得分，而且製造過程好講究技術。黏土一d 都唔乾唔瘦，係特別smooth 同juicy，可以儲存好多好多營養係入面，而且佢係一流既導入體，敷既時候導入營養同埋水份到皮膚，用填滿既方法做到皮膚飽滿同埋均勻😊當黏土有咁高既儲存空間而導入度又咁高，佢做到既野係無限！
Pitanium 脂黏土，係會將油脂管理到好好既黏土！！好似Troi P.I.T 水油相轉洗面奶咁敷幾分鐘，由得入面既成份被吸入皮膚運作，而吸入皮膚既會係帶住氨基酸既粉紅幼黏土，幼黏土裹面既多孔硅藻土會釋放水份同養份到皮膚既好深層。。皮膚吸滿水之後然後多孔硅藻土就會吸返毛孔既油脂同污垢出黎，敷夠1-3分鐘後可以加水起泡。。抺走。。連深層既油脂同污垢都會跟泡泡一齊走。。塊面白左，平左，幼細左，滑到跣手。。佢可以將油面變成中性皮膚。。佢可以將毛孔收細。。佢可以淨化皮膚同埋膚色。。佢可以分解自由基抗氧化。。佢可以令懶面勤力工作，總之滲入到皮膚將水份同油脂互換，做到既野就好多好多！
全銀色既一支tube 狀mask，一吱出黎係半幼滑黏土，而幼黏土入面帶住好多用核桃造既精華粒粒😍😍😍搽上面係好滑手完全無泥好難推開既感覺！幾秒就搽匀全面！等一陣，乾面敷1分鐘，油面敷2-3分鐘！！
平時敷完以前舊式既「面膜泥」洗走一般有2個方法！
1）直接用水洗走，呢個方法可能方便d，但其實同無敷過一樣，因為只係用水係唔能夠將吸左既油份洗走，只能夠洗走面上既面膜泥而油份同污垢好大機會仲stay 係皮膚😢
2）用濕棉抹走，呢個方法都幾乾淨，但就會用左好多張棉同要抹既力度要小心同麻煩d 😢
Pitanium 脂黏土係全新既獨有配方，韓國廠方特登加入左天然既活性起泡成份令成個過程好易handle，易handle 先會長期用，長期用先會好顯著既膚質改變！！識起泡既黏土唔係講笑。。好得人鍾意，一黎佢一起泡就可以洗同抺走晒，唔洗面膜泥咁抺幾張棉都未抺晒，二黎泡泡形態同密度令養份可以好易去到更deep，做到好深層既好強力淨化，三黎活性既成份可以好快activate 到懶既皮膚，可以白d，本身好白既，就會睇到紅潤左🥰 皮膚夠生猛，吸收力用埋更生力會好好！痘痘同印都會走得快好多😎
洗完第一個感覺係：震撼地滑！！我可以形容抺走左之後呢一種滑係十級滑！唔單止係因為水份補足令到皮膚飽滿而覺得滑，係好似皮膚表面被黏土軟化左本身既粗嚡感，而入面又淨化左雜質果一種滑，我叫佢做非常柔嫩平滑，仲會白左半度，毛孔細左，好儲水同埋有彈性🤩🤩 呢種滑既感覺有少少似曾相識。。。係P.I.T。。P.I.T 個種又滑又彈既皮膚質感，不過呢種滑感更強烈，因為兩者都加入左大量既amino acid 令皮膚主動吸入然後逼走污垢😈 但係Pitanium 脂黏土逼走污垢後養份仲會係皮膚同毛孔入面做番填充😌
以前敷完泥，會覺得”拎走”左油脂污垢同埋一d 本身屬於皮膚既野，之後會覺得「乾」同埋「淨」，但係一定唔會飽滿，而Pitanium 脂黏土既工作模式唔係咁，唔再係”拎走”，而係滲入>淨化>填充😈敷既時候皮膚好快已經會主動將amino acid 同埋幼黏土吸入皮膚，然後“逼”走污垢，而黏土入面會有一種叫做多孔硅藻土既物質，每一粒多孔硅藻土粒子上面有無數既微米小孔，令多孔硅藻土有超強既吸附性、毒素分解性、當毛孔既污垢接觸到多孔硅藻土，會被黏附，另外係用核桃籽按摩面部既時候，死皮都會黏附係每一粒核桃籽上面！！所以當所有污垢同死皮轉化做泡泡再離開皮膚之後會滑得咁緊要！
裏面既amino acid 同營養成份會係污垢排出既同時注入皮膚令皮膚平衡油脂、分解毒素同埋補給水份，令到皮膚本身好乾又好，好油又好，個幾日都好似keep 住滑同飽滿，唔會再過乾或者過油，同時無左污垢既位置皮膚吸收力會大增，所以係洗走既時候滑只係即時感覺，搽完野果種滑就係就係皮膚識得吸收同儲存得比平時更多養份既飽滿感！
同傳統面膜泥最唔同既係，以前講親嫩膚去角質，下下都要用10-15分鐘去完成。。Pitanium 脂黏土！3分鐘，做突晒，係真正既護膚！仲要唔會抺極都唔淨。。一洗就洗得走😆 連今次幫我地研發脂黏土既韓國團隊都對呢第一批成品愛不釋手❤️❤️ 因為快得黎，用後塊面真係好滑好滑！
記住一樣野，脂黏土會有一粒粒感覺好似磨沙既精華粒粒，洗個時唔好慣性當佢係磨沙咁不停磨自己塊面，只要輕輕力將佢地推到全面輕輕打圈按摩就Ok! 因為佢唔係靠磨擦力係靠黏力將死皮黏附係粒粒上，同時佢裏面既精華同養份會走出黎滋養你既皮膚，磨滑塊面之餘，仲會養滑塊面！
精華粒粒係由經打磨的核桃籽同埋紅石榴既幹細胞成份組成，一加水洗，一路起泡。。精華粒粒就自己會慢慢咁樣滲佢既養份出黎幫皮膚做toning，美白、抗氧化、增加抵抗力同埋軟化粗糙既皮膚！
總之重點係，跟足用法，一星期 1-2 次，乾既敷一分鐘等amino acid 吸收，油既敷三分鐘吸收多一陣精華，之後加水輕輕按，最後抺走佢！短期皮膚成個狀態同埋樣貌都會唔同，一段時間膚質會慢慢偏向中性💪🏻
其實，仲有一個最最最特別既地方，係佢唔只一個用法！佢唔只係一支脂黏土mask，佢仲可以係Daily Cleanser！！係無時間既日子佢一樣可以唔敷，直接起泡搽上面當成cleanser，簡單易用❤️ 又或者我最鍾意既用法，一物兩用，敷面洗面一次過！唔使再受傳統mask既困擾，要先洗好塊面再敷再洗，洗面既次數愈多，本來敏感既皮膚就愈有機會弄巧反拙，我最鍾意落完妝就直接用佢再起泡洗面。。3分鐘，掂哂！
最後，有樣野大家一定會問，Troi mask神(新一代毛孔吸塵機) 同 Pitanium 脂黏土 邊隻好？🤔脂黏土好全面，但係同傳統面膜泥唔同，成份唔會對皮膚有破壞性！佢成份好active！超敏感超乾暗啞皮膚可以用mask 神，其他膚質如油性混合性粗糙或毛孔大既都可以用脂黏土😎會好鍾意❤️
