2年前當我用埋最後一支 Pitanium 軟唇膏 1.0 既時候我直頭係有失落感，係唔知仲可以用咩唇膏，焦慮左幾日🫠 呢種唔係烈焰紅唇，而係軟唇淡粉紅，舒服自然到竟然有人讚我個咀好睇，人生就係得呢次😂
一個靚咀，在於唇形、唇色同埋質感！！
唇形！係先天，頂多唇膏做到少少修飾！
唇色！傳統唇膏一路都係顏色、顏色同埋顏色。
質感！緊係又滋潤 + 軟熟好！！睇落又乾又硬既咀唇，會令人感覺有老氣同埋不修邊幅，搽潤唇膏？要小心！用錯劣質會搽壞個唇！
回想下先，明明細細個果時嘴唇永遠無話郁 D 就乾，嘴唇軟林林，零唇紋，呢種嘴叫做童唇，而家呢？一日補十幾次潤唇膏，一無潤唇膏係手就會好似強逼症，咁好焦慮🤮 其實原因就係因為被劣質潤唇膏傷害過，變成一個壞左既唇，即係「壞唇😷」
劣質潤唇膏都係用 D 叫做封閉性油脂既野 (e.g.石油) 去製成，而封閉性油脂會阻隔到嘴唇同空氣接觸，可以防止水份流失達致鎖水效果，就係搽完超油潤一路黏住上下唇唔吸收果種，但原來咁樣係本末倒置既方法，呢種物質會阻礙左嘴唇去吸收水份！即係個嘴唇由頭到尾都無被滋潤過！反而久而久之慢慢變得唔識吸收而乾，無水入，無油出，愈黎愈硬成日乾，就好似皮膚機能倒退一樣，所以叫佢做「壞唇😷」。
咀黎架！絕對唔可以求其！Pitanium 軟唇膏 2.0，唔止要搽靚個唇，仲要搽番好個咀，救救壞唇！
拉開個唇膏蓋，唔係顏料紅，係 Pitanium 灰😎 當遇到皮膚既溫度，佢會變透，當遇到咀唇既 pH 酸鹼度，佢會變成一種極之自然既粉嫩😈 聰明地令到搽唇膏再無技巧可言，唔會顯眼地飛出界，唔洗鏡單手搽！！
搽上咀全日錫住咀仔既唔係顏料色素，係以滲透性補濕為主既天然成份，要融入個唇入面，唔係表面！無論傳統有色唇膏又或者係潤唇膏，從來就好似搽多一層唔屬於皮膚既野係咀唇表面，笠痴痴🙈
Pitanium 軟唇膏 2.0 超潤！搽完之後滲入咀唇入面，會吸收，成個咀都會好夠水份，但咀唇唔會笠唔會痴，唔會上唇痴下唇、痴頭髮，係近乎無黏性！唔太 matt 又唔過份令身，係一種好自然既咀唇飽滿狀態。最緊要既係，佢比咀唇呢種粉嫩既感覺，就似係咀唇本身既健康顏色而唔係表皮顏料，飽滿 + 粉嫩🤤 唇形、唇色 同埋 質感 同時變得好好，最過癮係，愈用得耐，個唇個狀態愈軟，每日要補既時間亦都愈少😌 除左自己想係咁拎佢出黎搽之外，其餘時間都唔使補，因為無乾過，只係一隻唔黏又愈搽愈靚色既軟唇膏，係會令人不停想搽😂
Pitanium 軟唇膏 1.0 已經唔會用厚油，用就用最 high-end 既成份，真真正正 skincare 咁去做！只不過 2.0 版本全面地每一個細節都出色左😎 更自然、更粉嫩、更滲透，搽到個咀更軟熟。軟唇膏 2.0 細膩既油性係黎自荷荷巴籽油、乳木果油、可可籽油等等呢 D 最接近人體皮脂既油，又小份子，係咀唇滲得好快！！滲透入咀唇既，有維生素、有抗氧化物、有修復精華，仲可以減少角層堆積，加埋本身灰變粉個種識自然調節既獨有 pH 變色因子。搽係邊一個咀唇到都靚左，軟綿綿！(我覺得成間公司搽得最靚就係 Zuice！！佢本身個咀形又出，又有肉地，日日見佢搽完漲卜卜咀紅紅無晒唇紋咁, 係好有咀啖佢既衝動🤤 )
以前既我搽唇膏好鍾意日日轉色，用左佢之後發現原來女仔既嘴唇淡粉紅色係最靚，用左佢已經好少搽唇膏，就算搽都一定會用軟唇膏打底，一黎隔一隔 D 顏料，二黎咁樣嘴唇既唇色出到黎會有層次好多，粉嫩感會係底到透出黎！令到成個唇色同個妝無左違和感，唔太刻意，某程度上就好似將唇色 blend in 左入個妝到咁🤓
搽少咗好多劣質潤唇膏同傳統實色唇膏嘅大部份日子都只會係用 Pitanium 軟唇膏 2.0，想顯色 D 同 last 得耐 D 我會薄薄地搽多幾層，每搽多一層果種淡粉紅色會更加實在同 long lasting！我會建議如果素顏單用軟唇膏就薄薄搽 2-3層就可以出街！如果用佢打底配合其它唇膏既話 1-2層就夠晒，夠潤又夠粉嫩去托住個唇色<3 素顏淨係用佢，妝都唔使落，化全妝就更加離唔開佢！
