十年前有個美容精同我講：「雖然痛，但如果真係要深層清潔皮膚，最乾淨就係去美容院針清！」
又係喎！雖然痛，硬"吱"又會對皮膚有好大擠壓，但當時黎講確實最深層清潔到皮膚，所以唯一可以做到既就係平時摸少 D 塊面，盡量乾淨 D、洗面比心機 D，之後針清既時候就唔洗咁痛，挨咁多下🙈 不過就算我知乾淨係對皮膚黎講咁重要都好，除左試產品我極少會用傳統既深清面膜泥去做深清，因為我從來都唔覺得佢地清到污糟野，仲好傷皮膚😒
係皮膚表面搽一 pat 乾性好重既火山泥或者海底泥，跟住10分鐘到佢就會乾，乾到收縮，乾左之後會見到呢 D 毛孔位有一點點深色左既油脂透出黎，好似真係乾淨左有 D 油出左黎，跟住洗一大輪，洗走左之後覺得皮膚乾到猛住猛住，但係 D 毛孔既灰色一點點，鼻既黑頭仲係度。用幾次之後，皮膚仲易污糟左，多左粒粒，易乾左，萬念俱灰🙈 呢 D 係搽係皮膚表面厚疊疊又會乾既泥話會清理毛孔，其實好無說服力。
跟住呢幾年我都幻想過，係唔係真係有 D 野搽完會浮晒 D 污糟野出黎呢🧐最接近就係酸類產品，但用完皮膚又會變到好薄好敏感，所以一路都將呢種幻想，繼續幻想同留白🥲
跟住上年係 Vegas 行左一個新護膚成份既展覽，發現左一樣新奇事物，一個新既稀有成份叫做高城土，呢一種土全世界只有三個地方有，基本上幾千年都了無人煙，曬左幾千年，礦物質沉澱左幾千年，附近既水源仲要係零雜質，佢有極高既礦物微量元素令皮膚抗衰、激活細胞，好有光澤！仲會發放遠紅外線去淨化污垢同埋深層毒素，全天然既特性令佢極親膚，係大自然孕育出黎寵幸我地皮膚既一種稀有物🤤
"咪又係土？" Not exactly😎 我地只係拎左高城土入面既活性成份！！依然會敷到袪灰光澤、抗衰袪皺、激活細胞，仲有遠紅外線淨化皮膚毒素同細胞，有齊呢 D 高城土既福蔭，但係無泥土會乾會抽乾皮膚既特質！更加無左人手針清既擠壓！！Pitanium 呼垢面膜💨將皮膚底面淨化，舒舒服服敷出專業美容級既乾淨😌 我地只萃取高城土入面既活性部份，再將佢精華化，將呢 D 高活性既霜狀精華依附係一塊吸盤面膜上面🤓
記住污垢係呼出來既😂 打開佢一拉出黎係啡啡紅紅，軟綿綿，成塊敷上面，吸盤面膜會將呢 D 高城土活性精華壓實係塊面，一路壓一路將活性壓到皮膚每一個小毛孔同埋小裂縫入面，淨化雜質污垢，跟住轉化起泡，將黏係皮膚入面既污糟野呼出黎😤
Soft Deep Cleansing😎以前幻想 cleansing mask 做到既野發生左！皮膚就係咁有個性受軟唔受硬！！嘩！！！個鼻邊位個 D 黑點點呼曬出黎！！！仲見到有幾粒出左黎，用棉一抺就無埋滑番曬😮 唔止毛孔同皮膚整體乾淨左一大截，連膚色都清徹乾淨埋，高城土既本事，唔止在於淨化污糟野，仲淨化皮膚細胞層面既雜質，除左膚色，仲係吸收、代謝、機能上面既大提升，呢種叫做零雜質肌！好精神好識消化🤤
以前敷完 D 舊式 cleansing mask，辛辛苦苦抺左一大輪又洗一大輪好 messy，又唔見得乾淨！但乾就係必然既，乾到敷完好想快 D 補塊好滋養既補水 mask 跟尾。但記住記住，好吸收既皮膚永遠都唔係乾個時，皮膚乾係乜會吸收唔到，只會消化不良！！敷好野既最好機會係皮膚飽滿有水份既海綿狀態。Pitanium 呼垢面膜敷完過一過水，已經清走毛孔同細胞既污物，同時會將水份同營養注入，之後再敷野好好好吸收，唔敷呢？皮膚一樣好飽水、有滋潤感、膚色靚加有光澤，佢本身就係一個咁全面既專業護理🤓
一星期 2次，每次 15分鐘，係令我最舒服既使用密度！原因唔止係要膚色好同收毛孔，平時既空氣污染、重金屬、化學吸收，除左積左係毛孔，仲會積住係毛細血管，令皮膚吸收唔好，代謝慢，老得好快，仲有老化左既多餘角質阻隔吸收，3－4日清一次岩岩好，其他日子盡情敷好野搽好野😌
