PITANIUM 終於有眉筆！Pi-Brows 三師眉筆 🫴🏻

呢個年代仲有人畫眉㗎咩？唔係個個都飄左眉或者霧左眉㗎喇咩？

大家應該係太怕畫眉所以諗盡方法去逃避😂 但即使整左都係會甩色、走樣、總之就唔係岩岩整好唔使畫果個樣！最後出街點都要再畫下先好睇，都係逃避唔到😂 

但係如果兩三下手勢就可以畫到真眉毛咁，應該掉返轉問：「下！乜呢個年代仲有人去霧眉架咩？！🤔😂」

唔係講笑㗎，到而家我都覺得整眉同畫眉，完全係2種finishing，兩種感覺！

一條靚眉可以拉細成塊面，拉長對眼，拉高成個人嘅氣場，所以妝可以裸，條眉一定唔可以裸！

畫眉嘅工具同方法有好多種，唔夠眉毛想sharp D嘅要用眉筆；眉毛太多想自然D嘅要用眉粉；眉毛深色唔聽話又要用眉GEL，但係加埋都唔等於畫到一條好眉出黎，我總結左普遍畫眉失敗嘅原因：

1）眉毛氣勢太強，明明想改變本身眉型，但係支眉筆唔夠fine完全駕馭唔到本身咁頑強嘅眉型，畫畫下變成跟返自己本身眉型畫，改變唔到眉型之餘仲愈畫愈衰🤯

2）眉筆太粗太硬，無辦法畫到一條一條，呢種情況係最容易失控，最壞會變成就咁畫完一個框，係入面填色。眉毛本身係一條一條！所以要自然絕對唔可以畫一個框出黎！🙅🏻‍♀️

3）眉頭太重手，眉尾又唔夠fine，眉頭要soft、眉尾要sharp，但係偏偏要銳嘅地方唔夠銳，應該鬆嘅地方又唔夠鬆，就會出現眉頭眉尾都畫得唔好層次唔分明嘅狀態。。

由我買第一支眉筆起計超過20年，都無係市面上見過或搵到近似Pi-Brows嘅設計🥹 一般眉筆只配有1-2頭，可能係眉刷+筆芯，又可能係筆芯+眉粉！而Pi-Brows係極罕見配上左三個特製刷頭，連個SIZE都係特製，全部極幼同袖珍🥹！先講外型！相比起悲劇眼線筆佢身型高佻幼身好多，但拎上手覺得好實在，唔係傳統輕飄飄果種木顏色筆，有份量嘅手感絕對可以大大增加畫眉嘅信心同穩定度，所以絕對唔可以輕飄飄🍃🍃

第一個頭，叫做「360毛流感筆頭」😌 筆芯只有1mm，初初無lab肯做，因為太易斷，而最後千揀萬揀終於揀到呢種易畫唔斷嘅物料黎做佢嘅筆芯！用嘅係日本野漆樹嘅一種漿果果蠟製成，用天然植物蠟做成嘅筆芯有極好嘅柔軟度同彈性，加埋用左幾種唔同溶點嘅蠟黎調節顯色度，邊到無眉毛就畫上去，一條一條咁畫先會似真嘅一樣，條線fine得黎唔會變左好老土同實的的幼眉，呢個幼細度即使畫好多條都唔會變成一個框或者一pad顏色，係有生命嘅！raw得黎係帶住野生嘅時代感🤏🏻 

畫眉最怕支筆掘，畫極都唔出想要嘅線條仲要係朦嘅真係會好炆憎😠 特製1mm筆芯，360度都係咁銳利，用到尾都唔會掘唔使刨！無論你本身條眉有幾惡劣，你都可以隨心所欲改變到佢本來嘅型態，彎眉變一字，一字眉變起角，係點都得👍🏻

講左咁耐都係講緊佢嘅筆芯頭，而其實佢仲有2個頭未介紹😂 一邊係360毛流感筆頭，另一邊係捲捲眉刷，而最後一個收埋左係中間！擰開佢會見到一個極度精緻同可愛嘅「空氣感粉蠟頭」🥹 配一個迷你海棉頭！同傳統大大舊好難handle果種完全唔同，細緻到用黎blend下眼線都仲得，個刷頭仔好有彈性，記住360毛流感筆頭玩線條，空氣感粉蠟頭就玩蓬鬆感☝🏻 用左幾種深棕色調配而成嘅透光珍珠粉末做霧化嘅效果🤩 同時係填補眉毛空隙時會透過光線製造折射效果，令眉光唔只多左密左，仲有蓬鬆左同立體左嘅感覺！經過專業眉色調配，每粒粉沫滲透住唔同深淺嘅嘅啡色，亦可以用海棉刷頭隨意調較深淺度，適合大部份嘅棕色髮色👩🏻👩🏻‍🦰🧑🏻‍🦰

「空氣感粉蠟頭」同樣係用左好多唔同溶點嘅粉蠟溝埋而成，完美比例嘅粉蠟混合物可以好實淨咁黏係皮膚上但同時唔油膩，除左質地好輕盈，搽出黎又絲滑零粉感，即使重覆又重覆掃上，佢嘅融合度都係充滿層次感唔會一逹逹！空氣感嘅粉沫同蠟混合物，除左可以係眉毛空隙完美同充份融合，仲可以粘附係皮膚上定點定型，最容易甩嘅眉頭同眉尾都KEEP到全日好實淨✌🏻

而頭先講過仲有一個捲捲眉刷，一個唔會畫完一刷啲色就無哂嘅眉刷好緊要！用咗極高密度彈性8層捲捲嘅人造尼龍物料代替動物毛，無論觸感、抓粉力都做得非常出色，重點係易清潔，唔痴毛唔痴麈！

眉型可以修飾面型同氣質🧏🏻‍♀️ 大方向係方面型嘅我地會加長眉尾，面圓嘅我地會比少少弧度同起角，面長嘅會偏向一字眉，Pi-Brows比你嘅係隨心所欲，想要根根分明同實淨嘅線條就用360毛流感筆頭，想要蓬鬆效果，就用霧化眉粉，想要自然柔和就用捲捲眉刷，任何想畫嘅位置唔會畫唔到，唔會kick住kick住，唔會死古古！

而想試玩想學識畫眉嘅，黎門市❤️每個同事都受過專業嘅畫眉訓練，可以同你做眉型分析同示範，記得搵佢地唔好怕醜🥰🥰