護髮素呢樣野係好邪惡🤤🤤
佢會令到幾kick既頭髮用完佢之後都好滑！無用完唔滑既護髮素，有既話應該唔平😂
我第一次識用護髮素係中學，開始留長頭髮知道咩叫kick 住kick 住，洗個時又kick洗完抺頭個時又kick！第一次用既護髮素係一支超級市場入面 D字頭$4x 既牌子，用完個下真係覺得支野好神。。(究竟呢支野係乜野？洗完d 頭髮係可以滑到跣手。。滑到d手指可以插入d 頭髮堆入面梳順番佢)
到我出黎做野，唔夠錢買野，不過有錢係咁攪個頭，先漂佢，再染，再等佢甩😂到有一日發現左我d頭髮已經進化到唔單係乾，而係爛，朝朝都識”打蛇餅🐍”！我就去買左支一分鐘焗油。。再到30分鐘焗油精華。。要再到出去做頭髮蛋白treatment。。即時黎講，樣樣都好似滑左，但係第二日都係回復原狀😷
之後我就豁出去買左一支$1980(我好記得😂)既A字頭護髮素。。我個一刻開始知，乜野叫護髮素。。
原來貴既護髮素係咁樣既，用完個一下，係唔會有$4x 支既護髮素咁滑，用完個一下，頭髮亦都唔會咁好吹，但係有一個好明顯分別！就係愈用頭髮會愈好！！第二日d 頭髮唔會再打蛇餅，第三日滑過第二日，第四日滑過第三日。。平既護髮素用完比我梳到頭，貴既護髮素頭髮真係識修復。。真係護髮！
但係有數之不盡既髮型師同我講：「護髮素唔好掂到個頭！」
唔做research由自可，一做左番唔到轉頭。。原來！平既護髮素係一堆化学用品，而呢一堆化學液體只係針對令頭髮有最好既texture，令頭髮好滑好順，分開番一條條。。但係得人驚既係，頭髮本身唔應該係滑到咁順到咁。。原因好簡單，護髮素就好似機器既潤滑油。。而主要既成份就係最cheap 既礦物油(所以點解D字頭可以平到咁😑)。。係機器入面，潤滑油係會凝固。。係個頭到呢。。礦物油係會痴住吸附住d 頭髮同埋係頭皮形成表面既一層跣手既滑面，而且會凝固左一層白色既油脂係頭皮上面，呢一層油脂。。水係分解唔到既，佢會慢慢積聚而封閉晒頭皮，頭皮會開始有唔同既disorder，毛孔會愈黎愈細，頭髮會因為毛孔被堵塞而愈黎愈幼同埋減少。。所以我點解話「護髮素呢樣野真係好邪惡！」，唔用又唔得，用就好似用潤滑油搽頭咁🤢我叫呢個做自殺式禿頭。。
傳統既護髮素真係純粹為頭髮而製造既產品，但係犧牲頭皮健康！頭皮唔健康生出黎既頭髮就會少左薄左幼左，染完會好易甩晒d 色，電完好快還原😭
咁樣去解釋，每一條頭髮上面都有一片片毛鱗片，佢地好似頭髮既盔甲咁，如果電過染過“嗱”過頭髮或者用一d 唔好既洗頭同埋造型產品，呢一d 毛鱗片會唔再貼服企左起身！企左起身既會令皮髮變“鞋“，開叉，打結。。脆弱同埋唔鎖色！就係因為毛鱗片打開左企左起度！！攪掂毛鱗片，頭髮會睇得兼打得😈
Pitanium Pi-Cooling Conditioner 髮鱗閉合養髮蛋白，絕對唔會係滑到跣手😂入面一滴Mineral Oil都冇，成支都係高滲透陽離子蛋白！呢條配方我真係好鍾意好鍾意，一黎因為當佢掂到頭皮既時候唔會塞毛孔，二黎就係一路用個時唔會覺得係搽左一層油係頭髮出面而係吸收緊入頭髮！用完之後唔會有一種好重好難吹乾既感覺，因為陽離子養髮蛋白係經過毛鱗片滲入髮芯，唔再係一浸掛係頭髮出面既油份黏附住係頭髮表面，洗完出黎d 頭髮係爽嫁！！會愈用愈鍾意呢種唔太膩既感覺，好快吹乾之後出街會keep 到頭髮有空氣感，特別呢個年代唔再興以前負離子個種貼到無生氣既髮型，有空氣感而且髮型易控制好多，無咁易塌！而用左大概一個星期之後頭髮會明顯”令”左同埋有彈性左，條頭髮真係被修復了，修復真係唔可以靠化學油，要靠蛋白，仲要係陽離子既蛋白🥚🥚
“陽離子”蛋白好緊要😠因為當頭髮既毛鱗片企起左身既時候，其實頭髮係處於負極而產生左好多靜電，就係因為呢一堆好多好多既靜電正正負負咁樣攪到個頭開晒叉打晒kick，入面既“陽離子”會抵銷晒頭髮入面既負離子，ko 晒d 靜電之後頭髮係會易管理好多！
第一次用Pitanium 髮鱗閉合養髮蛋白既時候，一定會覺得佢好冰涼，呢一種帶有弱酸性既冰涼對頭皮同埋頭髮都好好！平時既護髮素我一搽就會過水，唔會敷因為落左頭皮好易block 毛孔，但係呢隻Pitanium完全係用黎敷，仲絕對可以用係頭皮！我一滴都唔想嘥，一有時間既我就會敷兩分鐘，唔止係因為涼浸浸好舒服，而係佢一路敷一路會將企左起身既毛鱗片粘番貼髮幹，令每條頭髮健康番，毛鱗片貼服番d 色走得慢好多(呢個對我黎講真係好緊要✌🏻)。。而且呢一個冰涼配方係鎮靜頭皮配方，用黎calm down 敏感頭皮，特別係平時漂完染完個頭會痕幾日既話，敷完會好好多，敷左頭皮真係爭好遠，每次洗完頭而家頭皮會無左崩緊感，好舒服原來頭皮都會有種敷完mask 既感覺！何況佢既味道一d 都唔虛偽😏佢係輕輕既烏龍茶味❤
護髮素係真係應該要護理頭髮嫁麻，唔應該係頭髮既“柔順劑”，順但係傷😭用左幾個月，我而家係完全番唔到轉頭去用以前既護髮素，一用其他護髮素就會覺得吱出黎太厚重太杰，落左手會厚到好似摸唔到自己d 手指模，洗左落浴室個地下會跣腳，同埋頭髮出到黎個種滑好唔健康。
Pitanium 護髮系列入面，髮鱗閉合養髮蛋白係唯一一支針對髮質修復，等頭髮鎖色、有光澤同埋有番彈性，唔會再開叉同打kick！如果想頭髮生得靚d、粗壯d、健康d同埋多d密d，記得睇埋Pitanium 孕髮淨髮精華、能量安瓶同埋毛囊淨化啫哩呢3個產品，一齊夾住用✌🏻
