悲劇眼線筆，喊極都唔甩！（傳統眼線既末日😈）
眼線向來係放大眼睛，加強眼神既最強武器，難駕馭不過畫順左就可以有好多變化，絕對可以改善眼型先天既缺點！
唔同既眼線適合返唔同眼型既人，圓眼要幫佢畫返長，而鳳眼就幫佢拉返低眼型，長眼就中間加粗變圓眼！所有野都係講求平衡同互補不足～
學化妝時好記得一位老師講過，唔好機械式咁去調整眼型，唔係一味畫大佢畫圓就係叫做靚，最重要係畫出一個人既神，提升佢既氣質 💁🏻♀️
之後我就除左練習線條以外，成日去試用唔同既物料同顏色，慢慢捉摸到點樣改變一個人既「氣質」。
眼神有分剛同柔，唔同顏色就可以做出唔同既眼神！
假如個人眼精好大，但係雙眼無神，要點畫，如果個人對眼細細，但勁有神仲有點太強勢又要點畫？
最記得有一個朋友佢對眼好大、好圓，係典型既靚眼美人，但就係唔知點解望親佢都好唔舒服，仲會想閃避佢既眼神，有一次我望住佢，終於諗到爭啲咩喇！原來佢本身眼大，仲畫一條咁深色同俐落既眼線，感覺太強勢，樣靚但欠缺親和力。
之後我幫佢用左咖啡色既眼線之後個樣即刻溫柔哂，氣質亦都完全唔同哂（果時咖啡色眼線未係太多人用！）
但又要好小心去揀，要記住一個準則，正常眼線最淺既顏色，唔好淺過眼珠，如果唔係會好無神、空洞。。
而我地亞洲人既眼珠係深啡色！所以淺啡、金色一律都唔建議，絕對係會好怪！
悲劇眼線筆PI-BROWN深啡色，除左一定唔會過淺，佢同黑色既配方有小小唔同，就係用多左幾種顏料！係用左幾種唔同深淺既啡色保濕因子溝出黎。。而佢地既分子有大有細，唔會完全融為一體。
咁樣出到黎個顏色先唔會得一種，可以做到眼線筆既柔和感，而考慮到毛質需要再軟熟一啲，先可以極細緻同柔和既眼線出黎！
所以筆尖方面都有調配過，深啡色同黑色既配方有d 唔同，佢既柔和度極高，筆頭比黑色更加軟熟，可以做到好順滑同細膩既效果，一筆過或者重覆去疊加都係可以好容易控制！
對於新手黎講，一條眼線要講求一畫就到位，都要返一段日子既功力。。
黑色黎講，大膽啲一筆過會係最靚，避免比自己重覆加完又加，影響到成個妝既乾淨度！
相反，深啡色就無呢個問題，走既係柔和路線，除左羽化效果，每次疊加都會有唔同層次既啡色，而相對輕盈、重覆疊加都唔會太顯眼，亦都可以按住想要既深淺畫出唔同既層次！好適合新手！
黑色，勝在夠實淨、俐落！
而深啡色，勝在成條眼線都可以有唔同深淺層次既啡，唔會局限住太一致既實色！如果你係眼頭開始，就會係最深色，畫到眼尾就會比較淺色，成條眼線就會柔和同自然好多！
現代既眼線就一定係科學毛筆頭黎，但我遇過好多筆頭一係就太軟一係就太硬，想粗時做唔到一筆過，想幼又拖黎帶水！
Pitanium 悲劇眼線呢個筆頭係一支有齊「科學毛筆」既方便同平均，同時做到晒「傳統毛筆」要既感覺同筆觸，唔會係硬崩崩一條無靈魂既線，眼線就係要用黎修飾眼型，要粗既地方粗，而畫到尾一定係要一筆過唔會開叉咁先靚！
佢既柔韌度極高，可以做到同一條線上面有唔同既粗幼，有角位有鈍位，可粗可幼😈😈 更加唔會kick 住kick 住！
好多人以為眼線液淨係做到外眼線，因為畫內眼線近眼珠多眼水會好易溶，而Pitanium 悲劇眼線筆係完全可以用黎畫內眼線，Fill 哂睫毛同睫毛間既空隙，畫眼線最怕見到就係眼線同睫毛之間見到肉色🙈 所以內眼線比外眼線係更重要！
外眼線既話就係可以沿住好貼住睫毛咁係眼頭/眼中間開始一路向住眼尾畫（太硬既筆頭就做唔到咁貼既效果！）畫出黎既線會完全貼住睫毛❤️ 而呢一條眼線係1秒內就會乾透，佢好實色好實色，但係偏偏有係條眼線最外圍有超微小既羽化效果，就係呢少少既微羽化效果，區別左Pitanium 悲劇眼線筆同傳統眼線筆，令悲劇眼線筆畫出黎既每一條線都唔會實的的好惡既線，而係睇落去好自然好溫柔完全融入到個妝既一條眼線😎
最強混搭用法：
可以用黑色眼線打底，畫出一條最貼最乾淨既眼線，然後再配搭PI-BROWN深渄色係外圍慢慢加粗。。當配合啡色眼影時，就可以同眼影無縫接軌 ❤️
最後一點！
以前用過唔少好”食”色既傳統眼線筆，眼線既顏料基本上要用落妝油先去得到，一黎傷眼週皮膚，二黎一般佢地都係油溶性，一出油就甩，油眼未必用得到！
Pitanium 悲劇眼線筆既主要組成元素唔係顏料咁簡單，而係補濕成份，當悲劇眼線筆既補濕成份接觸到皮膚，就會吸收，令眼線一畫就乾，同時會令眼位既皮膚有足夠既水份，唔會係咁出油，令眼線超持久！不過！！油眼都用得😏😏
悲劇眼線筆，喊極都唔甩，對住油眼佢有好高既穩定性，對住水佢若無其事！悲劇眼線係好實淨，但係要落佢，唔洗用落妝油黎抽乾眼週皮膚，會好易出紋既😠 拎住張落妝棉，濕少少暖水，一抺，無左❤️ 妝係要化，膚都要護！
以前Liquid 狀既眼線液成日比人形容係好難Handle，令到好多新手會卻步，局限左一個眼妝既發揮！今日要為佢抱不平！其實只要遇到一支好既，無論係內眼線外眼線想幾粗幾幼想點畫都應該係得心應手、自然而有神！
識得保養可以令一支眼線液長壽一倍！基本上Pitanium 悲劇眼線筆係妝前妝後都用得，只要畫既時候對眼唔好油笠笠，每次用完係濕棉或濕紙巾上抹一抹先蓋返蓋就可以keep到用3個月以上！❤️
