唔做老土美白，我地要做韓國濾白😍
我從來都唔追求美白既用家，我極少搽美白精華，極少敷美白 mask。
第一，十年前既美白產品係熊果素同維他命 C，十年後想幫朋友揀盒美白 mask，都仲係熊果素同維他命 C，其實照舊都 ok 既，但又真係未夠好，咁多年黎傳統美白成份係用一個"漂白" 皮膚既 concept。唔知大家仲記唔記得，以前如果敷美白 mask，之後係要補番張保濕 mask 殿後，因為以前既美白成份，係會 chur 乾皮膚，咁好似有 D 本末倒置，唔係真護膚！
第二，就算真係白左，都白得唔夠好睇！呢個絕對係重點中既重點，所以我寧願做足 D 防曬，索性戴帽閂窗簾，都唔會刻意搽同敷美白產品！
上年飛得之後我已經飛左 4次韓國，跟住我發現韓國既女仔靚左好多，係！靚！左！好！多！D 人成日話一白遮三醜，韓國女仔先天係白但偏灰，而家佢地又白又透，仲要白裡透紅！！呢種極緻程度有通透力既白，會令皮膚睇落好嬌滴滴、軟綿綿，企理到直頭覺得呢塊白裡透紅小臉蛋係未受過苦個種，好睇到想行近 D 望🤔 我十月個時走左去鴨歐亭一間 cafe 打開電腦做下野，十個走入黎，八九個都係咁，廿幾歲係咁，三十幾歲又係咁，係會令人忍唔住問：到底憑咩😂😂 (我個腦就開始 structure 緊一堆野，係唔係美白針？美白丸？美白 mask？)
八左一輪之後，一個韓國皮膚專家話我知係濾白！舊式美白年代過左，以前個個都以為黑只係關陽光事，舊式美白係針對紫外光形成既黑色素！少左黑色素咪白左囉🤔 跟住就愈美白，皮膚就愈灰白。
而濾白我地一定要識！！完全另一個 concept😯 科學話我地知，皮膚望落黑黑沉沉，起因唔單純因為 UV，除左黑色素、毒素同雜質，仲有皮膚氧化同埋糖化，特別係糖化！！
平時攝取糖份，好多時轉化唔晒就係皮膚細胞同膠原蛋白之間殘留一種物質，叫 AGEs！而 AGEs 會加速氧化同老化，形成暗沉同出現皺紋，而且會令黑色素變得活躍，出雀斑同變黑。
好，再黎多次！即係話皮膚先糖化，殘留左 D 有害物令到膠原 function 唔到，之後皮膚氧化、老化、出紋、無彈性，膚色暗灰有黃氣，之後本身黑色素會好 active，會黑、會有班，平時防曬做足，陽光避得就避，但又唔見得特別白，皮膚硬係色素唔一致，甚至唔"清"，又或者 keep 住打 laser，D 斑 keep 住出番黎，濾白之後，唔止偏白膚色，黃啡古銅都會膚色都會清好多，靚好多！
韓國流行既抑制性濾白，已經係講緊過濾走所有皮膚以外既雜色，雜色形成唔到，亦都停留唔到！抑制性濾白，先抗糖化，濾走 AGEs 有害物，抗氧化抗鬆弛抗紋抗黃氣抗灰氣，未出黎既色素做抑制😌 將濾白加入平時既 skincare routine，令皮膚唔會再郁 D 就生成色素同時抗皺老，而呢種亮就係個種充滿通透度有血色既亮澤，而當用家一路都有 keep 開打下斑淡下斑既話，就會發現舊斑去新斑唔黎，keep 住濾白，皮膚逐漸會變得無瑕疵，唔會再呢度一點點，個度一點點，成塊面清徹係好靚😍
Pitanium 濾白面膜，當敷完第一次見到即時白左一度，即白係正既，不過唔係最重點，敷多幾次以前睇落灰懞懞既雜質、點點走晒，無黃無灰透左好多，會覺得皮膚有好好既代謝力，唔會留住入面既毒素同出面既瑕疵，要佢淨係白淨返實在太低要求，會連痘印同疤都淡埋。我一星期敷兩次已經覺得膚色好清，以前從來無一種衝動 keep 住敷美白，將美白放入我既 routine 入面，但如果係濾白唔放講唔通🤤
特別係我本身唔係盲目地覺得白就係好睇，我係覺得咩色既皮膚都好，夠清夠細緻夠均勻都可以好好睇！香港女仔已經有好多唔同 skin tone：白皙、偏黃、小麥、古銅咩都有人鍾意。濾白唔係淨係講緊"白"，有啲皮膚白得黎無血色、顯灰顯青，有啲女仔古銅得好健康好靚，關鍵係個底色！皮膚就好似一張畫紙，底層要乾淨，面層上咩色都好睇，如果底層顏色混濁，出黎咩顏色都灰懞懞好似點都唔協調咁，所以無論想駕馭邊種膚色都要濾白！將皮膚最深層既混濁雜質過濾成咩膚色都可以愈黎愈 sharp 既乾淨感！✨
第一塊已經會白淨左清晰度高左，之後 keep 住敷，膚色會愈黎愈清，佢係一張高端而且極高效濾白既面膜😎要做到高效濾白，敷既過程中精華量同埋貼面度好緊要，夠濃縮營養同時面膜又要壓到營養入皮膚，所以濾白面膜用左一個好特別好似章魚既吸盤既網狀設計！！我覺得佢最 sexy 就係咁！又有 paper mask 個種充滿精華厚度既氾濫感，又有纖維 mask 既"咬"面感完全貼合面型，敷 mask 就係要敷呢種先夠實的的，咁樣先做到完美濾白🤤 敷足 20分鐘，完全無一般面膜會出現既侷促感，360度無死角咁樣吸實皮膚，啜實塊面但極度透氣！
佢 D 精華係好 rich、好厚身又好掛面，精華同皮膚有牽引力吸收得好快😌特別係一 D 平時有問題同易乾既位置，吸收得特別勁，我就係 T 字位同埋人中位！！我既用法係呢 D 位置吸收左之後噴多幾下 Pitanium 細胞水😌厚厚地敷多陣，咁樣敷出黎既 finishing 仲靚！敷完 20分鐘唔洗抹繼續按到吸收之後直接搽 cream，等佢夜晚可以繼續分解、抗糖，第日起身層光係底層滲出黎，呢種零粉感都有既好膚色，就係我要既濾白！2024我地要積極濾白、無雜色、皮膚清一色😌
