我從來都唔係"美妝蛋"既 fans🧐 我第一粒用既美妝蛋係兩年前聖誕抽禮物抽番黎，第二朝打開佢試下用黎推粉底，還可以既，但佢好大食，食晒 D 粉，似用緊"粉底吸塵機"多 D🙈 用左幾次，開始上手之後，跟住有一日，佢碌走左！碌左落地下！唔用得😭 之後我就再無特登去買過粒黎用。我寧願用番傳統粉撲，加少少手勢，懢粉 D，乾淨 D，一樣咁靚！！
Zuice 就唔同啦！佢係護膚專家，但唔係一個化妝師，有一對殘手！對佢黎講，美妝蛋可以將一支平平無奇既粉底，唔洗技術化到一個唔錯既底妝，話知佢係"粉底吸塵機"！呢幾年，佢成日買美妝蛋，行街買，上網買，做晒功課咁買，連我聖誕抽到個粒美妝蛋都係佢買既🙈
跟住上年某一日，佢雄心壯志咁同我講："我地要 design 一粒好用到嚇親人既美妝蛋！"
我：「咪又係咁😂」
Zuice: 「唔係架，粒粒都有 D 唔同架！」
我：「你話事啦，想做就做🫂」
由 5月到 12月，連續出左十幾個唔同版本既 design、物料、密度，試左幾個月！
Zuice！你得左啦😭😭 用完幾次，連我都覺得呢個 design 好得淒涼！！佢可以將一 D 平平無奇既化妝品，化得好好睇！無晒油光、柔和自然、long lasting、清爽、極貼、有空氣感！以前既美妝蛋，都係想令手殘既用家唔洗技術就化到一個唔錯既妝！Pitanium 匠皮蛋 (Pi-Puffer)，點止係手殘福利，而且連一個化妝師都會因為佢而化得出一個更完美既妝！
佢係雞蛋，唔係雞蛋仔😏 佢大粒過傳統化妝蛋一截 (大 20-30%，吸左水仲大)，唔係因為貪靚！第一，大 D 手感會好 D，呢個 size 係我地搵左 6個化妝師一齊試出黎既最佳手感，對殘手纖手巧手黎講都係最好拎最好化！第二，佢好拎好 handle，接觸面夠大，可以快速推開粉底，效率高好多，手感穩定，件事又快又均勻！！
拎起佢，印印印！喂！！有 D 野喎🧐 佢唔再係腍滋滋，又唔係實的的！！有韌性有彈性既😍 韌性同彈性，重要囉！令佢與別不同！6個化妝師走埋一齊就係要搵出一個韌性同彈性既平衡點😎 搵到呢個平衡點！掂！以前要個妝感好係要技術，而家 Pitanium 匠皮蛋既完美韌性同彈性已經幫你做晒，推粉底時一步到位，好均勻，每推一下粉底都係專業級手感，無學過 blending 都可以貼到服！
匠皮蛋，大大粒，仲有 3個切割面，背部大平面，底部平面，同埋深色大平面，加埋一齊輕鬆攪掂一個完美妝感😈背面大平面，用黎快速 blend 開粉底，匠皮蛋既尖尖位遮鼻翼，底部平面用黎印開胭脂、光影同眼影，每個空間都完美均勻，細緻到連毛孔都睇唔到！深色平面遮瑕必用，深色黎自於高密度纖維層，用黎上遮瑕，係一絕！！
平時上遮瑕，遮，無難度！最煩係遮完之後佢又會推翻走，做唔到疊加既效果，結果就不停係度遮完，一拖又無左，又要再遮，再拖，就變咗好厚同結塊，而 Pitanium 匠皮蛋 呢個高密度既深色纖維平面，係令我不費吹灰之力無腦咁去將粉底鋪平係瑕疵位置，再疊加多層都唔會一下吸番 D 粉或者拖走咗 D 粉而係一層一層好貼合咁樣，有一種容許不停疊加上去既遮瑕度！！以前要遮得無瑕疵，係要技術，而家太簡單❤️
Pitanium 匠皮蛋 演繹出黎既底妝，質素上明顯高咗三班！以前上底妝，用手上既話好難做到全面均勻，用掃上既話又有掃痕，用一 D 專業既三角撲，真係要 D 技術同埋太細粒，三樣野都好難做到三幾下就全面推開晒成個底妝，仲有一樣野，一個致命傷，一係唔夠貼，一係就實到死固固，Pitanium 匠皮蛋既出現，佢既設計，彈性韌性平衡，加上佢既密度，印開佢，一壓，最貼最勻就係佢！成個妝零距離，唔會輕浮，唔會壓死壓實，有生命力，有空氣感，「皮下透光」既妝就係咁得黎🤤 唔再係化妝高手既專利！
以前既美妝蛋，佢係想將化妝既繁複簡化，而 Pitanium 匠皮蛋，簡化唔夠，仲要優化，令粉狀液狀唔同層既妝物都上得輕鬆完美，好 precise！傳統美妝蛋一定係濕粉濕用（粉底、cushion、遮瑕膏等），乾粉乾用（胭脂、眼影、陰影粉等等），而匠皮蛋既特性係連濕粉都可以分成乾用同濕用兩種妝效🧐
一般美妝蛋建議濕用，由於大部份一係密度唔夠，又或者密度過強，所以要吸夠水先可以做到無咁食粉或自然貼薄 D 既妝感，而匠皮蛋，本來既密度比例已經係調教到好完美，濕用定乾用，係有得揀！濕用時，經過浸濕再擰乾，體積會即時變得更飽滿同墜手，充滿水份得黎唔會稀釋左粉底，柔軟度彈性增加左，底妝就會皮下透光好有光澤感！而乾用，出色！！！佢唔會有其他粉撲或美妝蛋太死實 blend 唔均勻又厚粉既情況，反而仲多左一種啞緻霧面既 matt finishing！印開時夠 coverage 又唔會浮粉，仲可以吸走面上多餘油脂，keep 住全日都好清爽，如果我想要 natural glow 我就會揀濕用，想要 semi matt 我就會揀乾用，如果想一個濕用上底妝，一個乾用上碎粉上顏色，我就會用哂兩個😎😎
Pitanium 匠皮蛋，唔識食粉的！佢唔係一般傳統既海綿，佢用左加入突破性抗粉技術 加 食品級矽膠鍍膜！！佢抗粉，仲抗菌🤓 佢可以好好地黏上粉粉係外層，但同時唔會吸左粉粉入去蛋入面，一黎慳粉得好緊要(仲慳過粉撲)，二黎個妝會上得滑好多，三黎唔會再收埋咁多野入蛋入面吽菌吽味。㩒用同乾淨，最緊要！洗幾多次都係咁新鮮！傳統美妝蛋用幾次就開始發霉，變黃，洗洗下成粒蛋仲會裂開，而 匠皮蛋 用左抗菌母粒，再加光學滅菌處理，抗菌率達到醫材級標準！吸濕量少左，乾得快，黴菌完全無得生存！掂到皮膚既野，唔可以污糟邋遢😠
佢睇得、打得、企得！除左化到你好睇，佢都好好睇！美妝蛋定律，用完一放低，佢自己識碌走、碌落地下、櫃底，吸哂水吸哂塵，有時唔知幾耐之後係櫃底搵番佢出黎，洗番都唔敢用🥲 Pitanium 匠皮蛋 桃紅色靚靚女女，仲著住平底鞋！有一個平底設計，令佢站得住腳，放低就穩穩陣陣一路企係到等你！唔會碌走！唔會吸左 D 水吸 D 塵❤️
