我 3年無掂過任何遮瑕🤔
化妝品入面，我最唔鍾意用既一定係遮瑕產品！化好個底，然之後遮遮遮！遮住 D 印、斑、痘，我細個個時既化妝老師係咁教，"遮"既重要性，佔左妝容 50％🙈
調色遮瑕係一個化妝師必要技能，橙色遮眼圈、粉色遮雀斑、黃色遮暗啞、綠色遮紅印，然後最後再用皮膚色 tune 色差，咁樣先為之專業既遮瑕！
但係當專業化妝師變成日常用家，你係唔會想調幾十隻色，仲要 2個鐘先出得街，我最想一支過，乜都遮到！
而事實係咁多年，我從來都冇用過一支遮瑕令我覺得好好用，只有"相對好用"，因為遮瑕呢單野，係完全唔人性化，薄呢又遮唔到，遮到又鬼咁厚！！就係咁蠢。
我第一次去買遮瑕，個心係諗：「遮瑕呀遮瑕，可唔可以遮好少少？」
跟住一路用 、一路試 、一路買就發覺，原來遮瑕呢樣野，就係厚 D 既粉底，而無論咩色 tone、咩品牌、遮瑕力有幾強都好，有專業有幾多隻色都好，都一定係乾、厚、kick 粉、易甩、傷皮膚，化完個妝心都虛埋🙈
所以有好長時間，我係寧願唔遮！要遮就要用 Pitanium 清瑕姐😂 佢直頭係將"遮瑕"呢樣野變成一件賞心樂事！！時代進步左、技術進步左，蠢遮瑕係時候 bye bye 了。
有 Pitanium 清瑕姐加持既妝，印、斑、痘，瑕疵消失晒，而且愈用皮膚愈好。唔乾、唔厚、唔 kick 粉、唔易甩、唔傷皮膚。一隻色搞掂，無技巧可言😎 清瑕姐，用妝前清瑕，唔再係妝後既遮瑕😈
第一！唔好當佢係傳統遮瑕咁用，唔再係化化化化完底妝先再遮瑕，而係清清清清哂瑕疵先再開始化個底妝！係化底妝之前，就已經要清瑕，要無瑕疵！！
呢個好重要，清瑕姐既遮瑕力同提亮力會收埋係個「底」到透出黎，而唔係係表面 pop up 大大聲話比人知你有遮瑕，成件事會更加自然同埋和諧，手殘都可以超自然咁完成一個專業既遮瑕提亮妝！（記得睇下面用法)
第二！"咦，遮到無破綻既？" ”無錯！無破綻得黎仲要薄個下過份😌 記住愈少 step，就愈薄！瑕疵愈收得底，就愈自然<3 正常一個完整既妝，有 shading 有 highlight 好多層野要做🙈 Pitanium 清瑕姐，一次過！一層過！一支過！咁喎😳 連 highlight 都係妝前底層已經做左，出到黎就係自然、好睇同埋薄！
我既用法係搽完 skincare 同防曬後，用佢係額頭、眼皮、淚溝、眉骨位、鼻粱、顴骨、咀邊呢 D 梗有少少色素既位，做晒所有遮瑕提亮先，少少就夠！一 blend 開已經好似上左底妝咁！用完清瑕姐係已經直頭好有自信可以素顏走出街，依然係素顏但瑕疵無左、輪廓出左，直接上粉粉同定妝師都已經好強！
第三！唔要遮瑕疵，我要清瑕疵！！以前遮痘痘，愈遮皮膚愈差🤢 清瑕姐，瑕疵愈清愈少😎 妝前用既清瑕姐，基本上全日最貼塊面既就係佢！！照舊有強大既 skincare 特性！Calming、修復、排毒、淡斑、袪黃、袪暗啞，本身想遮住既地方，而家愈黎愈好睇<3
以前遮瑕，呃到人但一落妝就呃唔到自己😭 而家用清瑕姐，落完妝都覺得皮膚仲白淨左，仲要零 guilty🤤
講完三個重點，簡單講多一次用法！
係搽完 skincare 同防曬之後，用清瑕姐係有瑕疵、痘印、色素、眼圈、鼻翼、鼻樑位、法令紋、咀邊位做哂清瑕同提亮先！完成就清瑕肌嫁啦😌 夠靚可以直接定妝出街，如果再想加就可以自由發揮，我鍾意之後 on top 加薄薄一層月光寶盒或者表皮匠做中和！
妝前清瑕就係咁 user-friendly，就手、出到黎自然、錫住皮膚，一兩次慣左之後會發現原來收埋 D 瑕疵係咁簡單！如果化好妝 on top 再加清瑕姐 touch up 都可以，不過識用一定係妝前用！唔會浪費左佢淡化瑕疵既獨有才華，同埋順滑貼服既好質地！仲有佢個三角型絨毛刷頭！平時用遮瑕膏既掃好容易太粗或者 over，呢個刷頭好特別！用佢黎上角度同份量係會出奇地拿掐得岩岩好！粗幼都好易控制，一搽上面就已經貼合皮膚，係咁易再推幾下，滑哂！
傳統遮瑕係可以分到廿幾隻色，Pitanium 清瑕姐 做妝前清瑕，一隻色就夠😌邊洗揀，邊會唔 match 色😌 本身皮膚白既我建議可以單用佢出街！而本身膚色深既 mix 少少本身粉底去做遮瑕同提亮效果就已經自然到不得了！
Pitanium 清瑕姐，當然仲有無限咁多既可塑性，包括 mix 止外光做提亮感偽素顏、mix 粉粉做 highlighter、mix 表皮匠做高 coverage 版素顏妝，遲 D 逐一分享，記得 keep 住追 post🤓
