Zuice：「我用過既所有 eye mask 都無料到！！」
嗯嗯！我 feel 到佢講乜🧐 就好似我地去打 HIFU 就算用到最強最高等級既 HIFU 換個頭打落去眼位，打出黎既效果同面比，係無得比，eye mask 呢？我諗唔少人會好似我咁見 eye mask 個樣正正路路、得得意意都會買番去試下敷下，不過都係買個希望居多，無試過邊一塊眼膜係會好似敷完出色既面膜咁，有一種好 stunning、好白、好滑、好潤既感覺。
第一，眼既皮膚好薄好薄，薄過塊面好多，capacity 好細！做 treatment 打幾多發，敷海量既營養都好，效果都會係雷聲大，雨點小。
第二，眼位唔識吸收，眼周既皮膚無毛孔、無汗腺，吸收效率低
所以唔係眼 treatment 同埋眼膜既問題，係本身眼呢個位置就係好棘手，但係又好緊要！眼位爭 D，個樣就爭好遠！眼紋、眼袋、眼圈就算只係少少，都好顯老，咁點攪？！用對既方法攪😌
一，敷冷眼濃液！！我係狂敷，搽少少 cream 打底再搽佢就咁敷，咁樣敷係暫時我試過最work 既袪眼圈同細紋方法，效果好過打儀器，而今日開始，事件升級🔥
兩年前同一時間研發 冷眼濃液 同 冷眼眼膜，令佢地可以相輔相承，冷眼濃液主攻微血流，冷眼眼膜主攻激發生長，先強化本身眼位薄弱既問題，加強番微血流同埋輸養效率，之後再激發細胞能量，刺激膠原蛋白再生，眼位有出路，應該係咁做！！Keep 住敷，夾住敷，有策略咁敷，眼位有實力，唔再係一個脆弱易退化既位置，係絕對有能力番番去緊緻有張力，唔會出紋，唔見左鬆弛既眼袋！！
Pitanium 冷眼眼膜🕶️ 會遲到但唔會缺席，仲遲得好值😌 遲過冷眼濃液足足年半到，今日先可以兩隻冷眼一齊夾住敷，就係因為搵唔到一條岩心水既生產線比呢條 formula，韓國搵過、法國過搵過、美國搵過、最尾係瑞士搵到😭😭 以前既眼膜，好多時會走位，唔夠貼，唔夠 fit，吸收唔到，最大原因係因為絕大部份既 eye mask 都係面膜既衍生品，即係將面膜切細塊 D，精華薄 D，就變成左 eye mask。我地係瑞士搵到一個專做 eye mask 既 lab，support 到我地去生產一塊貼貼服服針對性 100分既眼膜🫂
敷到眼周皮膚嫩左，以前好難，而家係必然！！首先 Pitanium 冷眼眼膜 由形狀到 delivery system 到 濃液構成 再到導入既邏輯，都係 100％ 為左對付對眼既特質而研發，一步步咁加成既超級眼膜！！
拆開佢再打開，一塊大大塊充滿金屬感既銀色眼膜，帶住極高濃度、高活性、高密度、好流質既超高活性眼部精華，敷上去，中庭、眼既上下左右、魂精位，零死角！每一個轉彎位，貼住！！呢個貼度好講究，貼到好似”著”起左塊 mask 咁 fit size，但又唔係緊身，唔係個種乾爭爭既 mask 會痴實皮膚既為貼而貼，而係貼得黎皮膚仲有少少空間比高濃度、高活性眼部精華停留到係皮膚同眼膜之間，壓住、敷住！
而銀色好 Pitanium 既眼膜，唔單純係一個設計，而係利用左一種瑞士獨有既生物發酵技術，將鋅、銅、錳、鐵、鉀呢 D 皮膚好需要既微量元素以離子態既形式融入 Pitanium 冷眼眼膜🕶️，一黎大大減少眼位皮膚對外來養份既排斥性，令眼位皮膚自動吸收快速滲入，二黎當呢 D 微量元素入到皮膚細胞膜，會形成催化作用，係濃精華液既催化劑，一個技術 K.O. 左眼位唔夠 capacity 同埋唔吸收既問題！！！敷完即刻覺得眼周(特別係眼尾眼肚位置)滑左、嫩左、有收緊、有拉升感，有效果係因為做左好多重功夫，令到完美針對眼周既養份能夠輕易滲入眼底、再催化，唔再因為眼位唔識吸收而舉步艱難乜都做唔到😌
滲入、再催化，令佢有填充後有拉升感，係佢最炸裂既效果！任何類型既眼產品，終極目標就係抗皺抗衰，係！不過唔單止要比抗衰精華，係滲入去兼環抱式既抗衰，重點激活 I 型、 III 型膠原蛋白同埋填密真皮層流失左既膠原纖維，令成個眼周部位既皮膚組織由空洞鬆散變得超緊密有高度承托力，填充飽滿感黎自變得密度高既皮膚，時間一路過，膠原一路生，成個眼周肌底彈力唔同晒，動態紋靜態紋唔形成仲會淡化，淚溝同埋眼位鬆弛既凹陷感消失，取而代之既係一種豐滿感同埋細胞張力，拉起番眼型輪廓，keep 住敷敷左幾個月，絕對好過半年幾個月打次 HIFU😎
當冷眼濃液去加強番眼位退化得好早好快既微血流循環既時候，養份既輸送功率會提升好多，眼圈、色素會走，整體會明顯地好左同埋提亮！！而 Pitanium 冷眼眼膜🕶️ 加入左一個 made in Switzerland 既獨有因子，鉑金活性複合因子，提升細胞入面既帶氧量同生長量，令到成個眼位脆弱既細胞有一個好大既代謝能量，新既有精力既細胞會生，老既殘既細胞同埋毒素代謝走，敷完對眼睇落無左累感，無左暗沉，有番光澤，明亮，閃番✨
平均每日貶眼 14000下，咁好動，勤保養先係皇道！不過正常唔會太多人好似我咁極端日日敷 mask。單用，勤力既，一星期敷 3次完全足夠搵到滿足感，飽滿感，安全感！如果有冷眼濃液係手，先薄薄搽一層 cream 打底(我既用法<3)，敷 20分鐘，之後再敷多 15-20分鐘冷眼眼膜，一星期 2次，會 feel 到對眼係有深度地認真保養左😠 記得記得！Pitanium 冷眼眼膜🕶️ 有住增量既濃液精華，唔止夠敷眼，仲夠推開成塊面，爽嫁，一次過幫成塊面做埋超強抗衰👶🏻
