復元面膜
我地有一位客人，一位美容集團既老闆娘，同我講左不下十次："Pitanium 快 D 出復元用既面膜啦！！"
復元用既面膜意思係用係高能量／創傷性 treatment 之後既 aftercare！當皮膚快速生長又脆弱既時候，去比皮膚水份、養份同時間又要有巨大既鎮靜力，令皮膚係最無風無浪最 stable 既情況之下恢復元氣。
50% treatment + 50% aftercare ＝ 1個完整既效果
Aftercare 緊要囉！就算再好既 treatment，術後護理都係極之重要既一環！！人手矽針/ PICO/ Laser / HIFU 呢 D 全部都係針對個別膚層。以 HIFU 為例，針對激活中底層既皮膚，比能量加速皮膚細胞生長，當皮膚細胞一路分裂向同生長既時候，必需要極大量既水份，如果本身缺水，細胞會抽乾其他膚層去攞水生長，即係話底層做完 treatment 又唔夠水，對其他膚層會有創傷性，成面既皮膚睇落會好乾好猛猛緊，treatment 效果又無，又易敏感，其他膚層既皮膚問題又出黎！但夠水既話呢？會好似新生出黎、一層新既皮膚咁。
"咁敷多 D 保濕 mask 囉🤔🤔🤔" 唔同！唔夠！唔係同一樣野！！
首先要搵到一塊有效保濕既好 mask 已經好難，就算有都唔平。
其次要做既唔單單係保濕，而係多層保濕，表層、中層、底層都要做到，面膜先要做到 0% 皮膚對外來物既排斥性。
最緊要係皮膚復元，第一樣野就係先要做到好強既鎮靜 calming，令皮膚係最脆弱既術後狀態入面冷靜落黎，自在地吸收佢要既水份！！仲記唔記得，以前做 facial 術前一塊保濕，術後一個倒模鎮靜，倒完模再敷水份。而家一塊 Pitanium 復元面膜，比呢堆傳統專業手法，做得更好、更有力、行得更遠🤤
Pitanium 復元面膜，好好認識佢！佢會係大家敷得最多既面膜😎
Zuice 家姐 Mabel 擁有一塊極敏感既面，郁 D 就會起紅、起粒粒，敷 mask 一向都同佢無乜關係，就算敷最 light 既保濕面膜皮膚都會有問題，敷乜都只會愈敷愈差！而復元面膜成為左佢而家唯一用得到既面膜，皮膚唔再敏感，每 3日敷一次，皮膚有十足既滑、飽滿感同埋彈性，上個月 Mabel 轉天氣皮膚起痕起紅，敷完即 calm，完好無缺！
平時照顧住我既美容師姐姐 Rainbow，比左 2塊佢！12月去左韓國滑雪，早一晚敷完一塊，面對兩日冰天雪地完全無乾過！個妝貼到不得了，而家淨番一塊，唔捨得用！
同事 Tracy，11月打超聲刀、12月打 PICO，每次術後敷 5－7日降紅降腫，幾日後 D 皮膚 resurface 得好靚好滑，佢話："我要等埋復元面膜番貨先再做 treatment！"
復元面膜令到佢獨一無二既特質，係獨有零排斥既植物纖維！！paper mask、gel mask、生物纖維 mask，各有各既 fans，大家都係睇貼面度，跟住再睇埋精華夠唔夠！而復元面膜呢，睇既係皮膚吸收幾多，吸收左去邊，行得幾快，行到幾耐🧐傳統面膜例如 paper mask，好多時經過漂白程序，有螢光劑又會有化學物，皮膚由頭到尾都排斥緊，當皮膚進入左排斥狀態，敷乜都唔太吸收，所以點解好多 mask 敷完只會好短時間有補濕感覺，但其實一路都入唔到皮膚！皮膚從來都好自我，唔會 care你手上有 D 咩，大前題係佢想唔想吸收🤔
復元面膜，用既係 Clear Cell H 面膜技術，零排斥純素纖維😎 大家就當佢係厚身好多而且好堅韌既蠶絲面膜，唔止貼同埋貯存量大，當皮膚 contact 到佢既時侯皮膚就會好順理成章地吸收入面既：納米交聯水份。。消炎鎮靜精華。。當皮膚係一個吸收狀態，佢欠幾多，佢就會係復元面膜到拎幾多。。每次敷完都覺得皮膚既基本面非常好，個日皮膚流失左幾多用左幾多，一敷復元面膜，叉番爆，而呢種有密度既皮膚 texture 係有持續力，而呢種皮膚狀態，搽野、pre-treatment、treatment 後，皮膚都會吸收同埋穩打穩扎！
記住，做 daily care、皮膚唔穩定或者係第一次用復元面膜嘅時候，我地會建議一星期連續用 5次將皮膚既穩定度同吸收力 tune 到最到位嘅狀態，之後每 3日敷一次已經係好夠好夠，仲想搵野敷既話，敷下其他野，原生厚敷、pink layer、濾白面膜同港女面膜都非常好！
如果拎佢黎做 pre-treatment 或者 aftercare，做高能量儀器我就更加會係療程前 3日就開始敷佢，等皮膚係一個極穩定同 ready 而且好夠水份嘅狀態下做 treatment，而任何 facial 或 treatment 後 5-7日我會乜都唔做只敷復元面膜，直到中表層吸滿水降哂所有紅而且底層修復得 7788，咁樣既復元期係完美😍
王子面膜
Pi-Instant，所有野都變得好即時！
岩岩再敷一次，即刻比個試用大家😎 從來未見過一塊可以用黎日常敷既面膜同時可以有咁巨大既即時急救效果！！
第一次敷呢個 final version 係上年年尾有一次 LA 飛番黎香港既長途機，落機之後一貫既殘同埋乾，鬆拋拋好似溜氣咁。敷左一塊王子面膜，掂啊！！即時打番漲塊面，無咁鬆、收緊番，訓個好覺，第二日皮膚即刻番番上機前既狀態，繼續超貼妝，個樣完全影到相。大家黎緊要飛一定要帶埋佢落機番到酒店敷，唔洗諗！皮膚唔會再有任何落機後遺症，加埋個晚夠訓，第二日完全 recovered🧐
跟住尋晚睇劇睇到 5am 先捨得訓，今日 10am 起身，口腫面腫😭岩岩拎出黎，敷完，嘩！兩邊面無再包包，輪廓收番、D 線明顯番！！塊面好 firm 啊！！！D 膚質一 D 都唔乾，可以化個好貼既妝，塊面有咬得住個妝既實力！！
基本上三款 Pitanium 新 Mask 濾白、復元同埋而家介紹既王子面膜入面都有齊高端保濕、修復同埋抗衰老呢 D 必要功能！而濾白面膜 on top 針對過濾色素，復元針對 aftercare 同埋提升皮膚 daily 既基本面，而王子面膜有等於一支專業級既小份子細胞激活濃液係入面，而呢一個細胞激活既程度我絕對會話佢係 treatment 級，係超級激活、即時激活！甚至我會話要見人個日一定要拎佢出黎敷😠收緊、提升、收輪廓仲有不得了既膚質！
皮膚專家成日話以前本身兩三日敷一塊 mask 就夠，人愈大時間一路過，慢慢變成一日敷一塊先夠，之後一日兩塊，再之後敷極都好似無敷過咁，變左例行工事，係因為機能走下坡，皮膚細胞既活躍度好低，令到皮膚狀態跌落低谷進入左disorder mode，當皮膚disorder 皮膚細胞微循環同代謝好慢好完全唔 active、運作慢，皮膚會灰會黃，會腫會鬆，會乾會起紋，比 D 毒素 kick 住晒好無光澤同血色，皮膚細胞就好似進入左休止狀態，無活力既細胞，用落、睇落都有老態，而搭飛機、捱夜、酒精、藍光、操勞過度等等都係會令皮膚 disorder，一 feel 到皮膚進入左呢個狀態，就要有危機感⚠️ 千其唔好比皮膚連續好多日都 disorder，一定要及時抽番佢出黎，因為皮膚會好快習慣呢個懶懶閒既節奏。
終極既抗衰老係佢！終極既急救都係佢！Pitanium 王子面膜🤴🏼
傳統既抗衰老產品，絕大部份既組成部份係抗氧化、抗紋，一種供應營養既護膚形式，我覺得唔夠🙈當廿幾歲開始，皮膚既機能一路老化細胞行得好慢，吸收力同分解力下降，問題已經唔係你比乜野佢，因為無論你比幾多好野佢，佢吸收力有限，就算吸收到，用既都有限！而王子面膜滿滿既細胞激活濃液擁有 eye serum 等級既貫穿力，直接賜細胞一對翼，敷上面個一刻，大量既小份子細胞能量會激活細胞，令皮膚細胞會即時提神變得好 active！血液循環即時加快，之前所有積存左係皮膚結構入面既毒素廢物都會加快排走，將皮膚細胞由谷底拉番起身，由休止狀態完全激活！！咁樣既抗衰老，比起傳統抗衰老，黎得有效同聰明得多！！
終極既抗衰老，造就左王子面膜既即時急救性🤤皮膚細胞由懶到生猛，皮膚結構鬆散到飽滿，係一個好大既轉變，大到一定睇得到摸得到。每次只要覺得皮膚有 D 殘、有 D 鬆、有 D 乾，敷完都會消腫、收緊、輪廓分明、無晒灰黃。唔再乾唔再會唔貼妝，皮膚有彈性有 texture😍敷夠 20分鐘，如果再訓番個好覺，前一日 D 幾殘都好，都會容光煥發！甚至 Zuice 前日敷住佢係 studio 影相，連呢個有 8個月身孕既孕婦敷完王子面膜塊面都尖左，少左浮腫，好緊緻，無左孕味！成日挨夜既用家應該同我一樣，每次敷王子面膜都會比佢驚艷到😮
王子面膜係真係黃色嫁，不過唔係普通紙 mask，而係 100% 同皮膚零排斥既高密度純植物纖維面膜 XD😎要 demanding 到 100% 純植物纖維有一個好重要好重要既原因，唔止係因為要佢儲存量大同貼面，仲因為唔想有任何傳統 mask 入面既漂劑、螢光劑、化學物而令皮膚起排斥反應抗拒吸收，王子面膜既零排斥特性，當皮膚 contact 到佢既時侯，皮膚就會好順理成章地吸收，激活細胞！！而淺黃色唔係 fashion 黎😂 我地刻意將由日本黎既高濃度黃連根萃取 blend 埋入去面膜入面，當細胞激活左之後佢就會開始釋放抗氧化和抗炎因子，先激活細胞再深度抗氧化和抗炎，咁膚質膚色就會又靚又好穩定🤓
細個成日聽 D Auntie 講："千其唔好咁快抗衰老呀！20 歲就用晒最好嘅野，咁 40 幾歲敷到鈍晒仲可以用咩？" 咁又真喎，舊時既抗衰老一味追名貴成份追濃度，皮膚吸收唔到咩，吸少 D 所以要吸好 D 囉，呢個傳統 concept 係一個會有盡頭既 concept🙈
呢個年代，個世界有新既技術，對皮膚又有更深既理解，成手好牌就要出牌出得更聰明 <3 廿幾歲開始，唔比皮膚細胞有老態慢落黎一刻，無毒素無慢性炎症，皮膚可以行得好遠，而且搽乜效果都好 instant🤤
