堅清高
有佢真係好好喎！
從來化妝係會覺得對皮膚唔好，卸妝又傷皮膚，唔卸妝直頭應該要內疚，而家無左呢回事！甚至我 keep 住用，冇黑頭毛孔粉刺、通頂皮膚都仲係好好😈
Pitanium 堅清高 The Cleansing Goal，本身同法國既教授研究係想做一支好有 class 既一支 treatment care，一敷就會將皮膚出面同入面既妝物，連埋藏左係皮膚同毛孔入面好耐既固化油脂一齊隔晒出黎，好好咁改善黑頭粉刺問題，再加入埋一種我盼望左好耐既專利成份，可以令皮膚食左褪黑激素咁，休息修復得好好🤤
點知第一批出爐之後，法國研發團隊又好，office 同事又好個個都當佢係一支卸妝用🙈 真係卸得咁過癮咩？我試完之後會比 95分，至少一支成份有極高護膚意識既卸妝🧐 卸完個妝皮膚好似仲好左，爽喎！就當佢係卸妝咁介紹先！
化妝 Day 1 開始呢個世界已經話我知，化妝一定要卸妝，唔卸妝訓覺係做緊一件錯事！會傷皮膚，係要內疚既！真咩🧐 皮膚專家唔係咁講！其實所謂傷皮膚，4成化妝品，6成卸妝品，唔卸妝唔得，但卸妝品係對皮膚既二次傷害！角質受損、殘留、塞毛孔、泛紅、爆暗粒、粗糙，無論係卸妝油、卸妝水、水油又或者係卸妝膏，都會有同樣既問題，分別在於有幾乾淨，同埋對手要捽幾多下，傷嫁！諗一諗，eye makeup remover 咁計，用得少就卸唔到 mascara，用得多直頭嗱眼，眼位皮膚已經薄，仲要嗱佢？！過唔到自己個關。同埋每一次卸完，最少都甩一兩條眼睫毛，每次望住 D 眼睫毛真係欲哭無淚，究竟我人生要甩幾條眼睫毛😭
Pitanium 堅清高！堅係清理晒皮膚內外既高手！乾淨就梗了，唔止識錫住我地既眼睫毛，仲寵到我 D 皮膚不得了！
以後妝即管化、放膽化！淡妝定濃妝佢都可以分離，輕鬆個隻！分離既意思係將本身妝物大份子同皮膚阻隔開，唔洗用力起勢捽，係咁意輕力按兩下已經將所有唔關皮膚事既有害雜質浮起，之後用棉一抺或者過水已經走晒，唔洗大力捽，過程已經唔會肉赤，唔會再見到甩到一條條可憐既眼睫毛，跟住又見到皮膚無平時卸完妝咁捽到紅左一忽忽，最架勢係無油殘留，即係平時卸完妝抺完面個種人工合成油留左係面既感覺！淨係覺得皮膚係透白有光澤左😎
我第一次試既時候試到好興奮，我地拎左好多支被認為好 long lasting 既胭脂、唇膏、mascara 畫晒係塊面同手，搽少少堅清高，等一分鐘，完美浮面，一抺全部妝物、油份包括平時最難卸既 mascara 都唔見晒，堅係清嫁！(留意：如果大家真係有 D 妝物連堅清高都要用力去卸，大家真係要考慮唔再用佢😒)
堅清高！唔係堅清膏，唔係藥膏既膏狀，都唔係 cleansing balm 既豬油狀，而係偏 watery gel 既 texture，一種好好推而且唔重油感 Made in France 既質感。搽完上面，輕力打圈！記住輕力按下就 okay 唔洗捽！吱少少推開敷 1分鐘，放下戒心咁敷🤤絕大部份卸妝品都係會加入大份子既礦物油同人工合成油，因為傳統卸妝只係 care 溶唔溶得走化妝品，皮膚健康反而次要，呢 D 油份好易塞毛孔同埋殘留左係深層吽菌攪到生粒粒🤢 我地好唔想加，要加就加 D 好野！
要用就用 D 錫皮膚既成份同技術，堅清高無礦物油，而係將 8種對皮膚排斥性極低而且充滿營養既天然油因子打散再融合，唔單止對親膚同埋溶走污垢，就係呢 D 小小油份子既高密度完完全全咁將油污垢同化妝品由皮膚分離，唔再依附住皮膚，只係佢既功能之一🤨
記住！Pitanium 堅清高係一支 treatment care，只當佢係 remover 實在太用唔盡！唔單止係皮外既日常卸妝品，仲可以重點去溶解皮內既雜質同埋固化油脂！化妝要用堅清高，無化妝更加要敷！特別係有黑頭白頭粉刺既用家，每次敷 2分鐘，幾日就算好頑固既黑頭就算唔走都會軟化左一大截，易好多推出黎！
不過唔好淨係敷個鼻，要敷就全面敷！呢一年來有個護膚 topic 好 hot，叫做習慣污染同藍光污染！即係當我地訓覺既時間，內臟同皮膚都進行緊唔同程度既休息同排毒，但係壓力、夜訓、 煲劇同埋電子用品既藍光等等都係會極端地擾亂左皮膚既休息週期。簡單 D 既例子就係通頂，無論之後訓番幾耐精神上係叉足電，皮膚都係殘好多日，好似甩左線無叉過電咁。因為皮膚 skip 左會修復既時間！老得好快，出細紋、無彈性、暗啞、細胞發炎同埋浮腫等等！
我地特登搵技術同專利成份搵到去法國，將一種抗藍光既專利活性成份無縫咁加埋入去堅清高😎 呢種活性成份係會將 reset 皮膚既休息時間，提醒皮膚細胞去休息修復，我會話係皮膚既褪黑激素，食左褪黑激素個人識得休息，而用左堅清高，皮膚會自動調節到去休息狀態，即係插番實條叉電線！抵消藍光同埋夜訓對皮膚修復週期既影響，即係話玩電話玩耐左， 煲劇煲夜左，唔洗心虛，皮膚都會有屬於佢既修復時間，皮膚終於唔使捱夜，幾夜瞓都好第二朝都係一條好漢😈
無論當佢係 treatment care 咁調理皮膚定係 makeup remover，佢都係將皮膚帶緊去一個好既方向，以後化妝唔洗內疚，卸妝唔洗內疚，煲劇玩電話都唔洗內疚😈
穿浮洗面奶 2.0
好用力 upgrade，好用力加厚！！一路用緊 1.0既用家，一敷 2.0好大機會好似我咁，覺得有種重新認識既感覺！
1.0版本已經將洗面變成一件對皮膚好美好既事情！2.0版本，upgrade 左一個高轉離心結合製造技術去打造😎 功能、營養、表現都優化左😱 Texture 最明顯，由偏液態進化到偏實的的，係啦！我地就係要呢種實的的！而家每晚敷穿浮，最享受就係呢種實的的既充實感。包到好實，做緊好多野，好有力既淨化感，但同時營養又走到好深，一抺走之後皮膚有種滋潤左深層細胞而黎既彈性，又無任何乾左或會乾既蛛絲馬跡，1.0呢幾方面已經做得好好，令洗面變成美好事情。2.0版本第一次試完之後，佢將洗面變成又美好又幸福。
一支好既洗面，對護膚實在太緊要，由洗面唔太講究，到識用穿浮，護膚係一個由負數變正數既一個距離轉變！
傳統洗面要既係乾淨，係清潔劑！就係要洗走"唔要"既野，跟住洗走埋皮膚"要"既野，塊面無左水、無左油、無左保護個一刻皮膚進入左一個最易老化既危險時間，仲要日日 loop 一次！洗得多唔止老化！皮膚細胞連機能都退化埋！！ 唔再識吸收，唔識鎖住水份營養，就算用幾好既精華同 cream 都只係打折咁吸收同分解🥲
穿浮洗面奶既出現，就係要敷出一個專業美容師不停係我皮膚上面打圈既深層潔淨度，但偏偏抺走之後有一浸敷完補濕 mask 既水感同滋潤感，就算之後慢慢再搽 skincare，皮膚都唔會有一段乾爭爭既"老化時間"，就算用既精華同面霜普普通通，皮膚都係舒舒服服咁向住一個愈黎愈健康既方向前進緊，係美好既，係幸福既！
傳統洗面叫做 hard cleansing(硬洗)，真係想護好皮膚既，學識唔好硬洗🤢 去到一 D 外國高端既美容院，做每個好既 treatment 之前都會用 5－10分鐘洗面 soft cleansing(軟洗)，用好既產品，加好既手法，將污糟野分離同皮膚淨化，呢種就係對皮膚無傷害，同時會將皮膚快速帶入吸收同埋水油平衡狀態既軟洗，舒服到一個點！！
穿浮洗面奶！我叫佢做 intelligent cleansing🫡 洗面過程無傳統 hard cleansing 既刺激同抽乾，但又有好過 soft cleansing 既 finishing 😍 1－2分鐘敷穿浮既過程舒舒服服，一下子皮膚唔止乾淨得徹底，仲有敷完 mask 既充水感，水油完美均衡😎 穿浮將三種最高級別既椰子油、荷荷巴油同埋藍艾菊油 blend 成一種小份子高密度既複合分離層，可以好輕易穿透皮膚表面既物質，同時可以滲入皮膚同毛孔，令油污垢、水污垢同埋重金屬雜質分離、淨化、懸浮，之後比我一下抺走😎 徹徹底底！！而呢種親膚力同埋穿透力，係連帶住長時效抗菌同淨化成份入皮膚😌Intelligent cleansing 就係咁優越！！
穿浮洗面奶 2.0！加入左活性既 peptides，甚至比一支極品 eyecream 既 peptides 多，仲好好利用左 peptides 呢個皮膚自生修復元素既特性去做影子成份😈 即係話唔止有 eyecream 級別既修復，皮膚對佢亦唔會有排斥性，會主動比佢滲入皮膚運作！！強化敏感肌令敏感肌唔再咁易起痕、易乾、易泛紅絕對係穿浮一路以黎既獨有技能！愈脆愈多微裂痕既皮膚就愈會覺得一開始用會吉吉地，穿浮會穿透脆弱皮膚做膚質強化😎跟住一路用一路用，一兩星期無左呢種感覺，然後不知不覺皮膚實淨了，不再敏感了，好穩定！而且皮膚識鎖住水份同埋有保護，唔再脆弱！😭 穿浮可以淨化，可以修復，就係因為佢可以輕鬆入到膚層入面為所欲為，活性 peptides 絕對功不可沒！穿浮 2.0，強化敏感肌既特性再加強，佢滲入皮膚脆弱位置同埋小裂縫既效率再高左，修復皮膚既強度就從此再高左✌🏻
記住！敷！搽上面唔洗溝水再捽捽捽🙅♀️分子夠細，佢係會滲入去皮膚同埋妝物污垢之間做分離，敷 1-2分鐘，輕輕打圈按摩兩下，之後用棉棉抺走已經係最好程度既"淨"，就算係全日接觸過既污染粒子又或者係額外油垢，都會被淨化同分離，一塊攰既面會變番一塊光滑小臉蛋，呢塊臉蛋係摸到有營養同水份係入面，有彈性有血色而且好吸收，最重要既係好滑！而呢種滑同埋皮膚既飽滿，甚至比敷 mask 更實在😌
