未來液
我想要一支夠"純粹"既專家級濃液！
條街好難搵到近似既野，最似已經係講緊精華同安瓶😭傳統精華都係針對中、表層皮膚，同埋一兩種皮膚問題，用針對問題既營養去 Fill up 已經幾乎完成生長既皮膚細胞，然後控制住問題，例如缺水、衰老、色素、敏感等，但係偏偏就係搵唔到一支係 Focus 係底層 BB 細胞既濃液，搵唔到，唔係指無支靠得住，而係真係無🙈
"美容精"級用家會好易理解，幾乎所有最高端既 Treatment 同埋美容儀器都唔會針對表層皮膚，一定係針對底層皮膚，因為皮膚係一路生長緊，眼見到、手掂到既皮膚其實係幾十日(~28 - 40日)前既 BB 細胞一路生長出黎。每一粒 BB 細胞天生都係完美，細胞一路分裂同生長既時候缺乏某種營養就會出現個別皮膚問題，敏感、缺水、出油統統都係生長過程中唔夠營養。
咁即係話一支可以穿透到底層 BB 細胞既濃液咪可以令 BB 細胞生長成無問題既皮膚🧐？係！真係咁，仲要唔係新聞而係皮膚專家們既共同認知！如果仲係幾年前，我仲係 Keep 住做 D 激活 BB 細胞既 Treatment 果陣比我遇到佢，我一定會比而家更喪用，BB 細胞一路生，佢就一路幫我確保住每粒細胞既生長係完美狀態。今次仲唔掂，底層既野，未來既皮膚生成後會連本帶利拎番晒。
Pitanium 未來液，係一支 BB 細胞生長培育濃液，完全係追求緊未來幾十日後好好睇好健康既皮膚既 BB 細胞食糧😎我屬於少敏感多缺水皮膚，用完個幾月，皮膚洗完面唔搽野都係唔會再覺得乾，天氣乾凍亦都再無咩冬瓜豆腐發生！(Touch Wood🙈)
想用得好，記住唔可以懶！唔好就咁搽完就算，一定要用指尖打圈將佢按入去底層！Pitanium 未來液 既份子係依據住 BB 細胞既相容性去打造，係超細會有好既浸透力，基本上你會好 Surprise 佢既吸收速度，但係終點目標係要去皮膚底層，所以有埋指尖溫度去激活埋皮膚結構既吸收力就會更加 Perfect！搽完幾秒就會完全吸晒入皮膚，搽 1-2層就夠！最尾記住用密度高 D 既面霜鎖住佢，無既話 Pitanium 微軟面霜係我既 No.1推介！不過用咩都好最起碼一定要用 Cream！
佢有比其他滋潤性同補濕性精華產品更強同埋持久既皮膚飽滿感，有種皮膚既"泵漲感"，有乾紋同埋鬆弛既皮膚，視覺會好明顯地被呢種飽滿既皮膚大大地修飾，而且一路用 BB 肌一路生長，呢種飽滿感會更加長效咁 Keep 到係皮膚，好明顯地皮膚少左好多老氣同乾既感覺！
因為 BB 細胞既生長係需要大量水份，而呢 D 水份係黎由於中層同表層皮膚既水份，所以如果未來液令 BB 細胞生長過程夠水夠養，中、表層皮膚係可以留住自己本身既水份同養份，唔洗透支比底層，大既要，細既都要，所以未來液可以到令底層細胞、中層、表層皮膚都會有另一種高度既飽水同飽滿感！
確保 BB 細胞分裂生長過程中受到呵護備至係未來液要做既野，無論係透明質酸、Peptides、幾種幹細胞、高山植物濃液、Omega-3 脂肪酸等等呢 D 高端成份唔夠，仲一要係以高密度小份子，有穿透力同 BB 細胞吸收分解得到既體積同相容性既 Presentation，所以缺水、出油、衰老、敏感、色素呢 D 普遍問題都係會係新皮膚一路生長出黎既時候一路咁改善！同時間會額外增加三個對我黎講好緊要好緊要既功課去 Secure 成個細胞生長過程同埋增加皮膚既穩定性：
第一 抗污染
要 Make Sure 皮膚生態係唔會被空氣同金屬粒子污染影響，令細胞係更穩定既環境下生長，同時用家會係每晚洗面落妝之後皮膚狀態依然精緻，改善左被 Chur 乾既感覺！
第二 加強細胞之間既連繫同張力
一黎皺紋問題會有改善，二黎會有明顯既輪廓同埋嘅皮膚光澤感
第三 增加膠原蛋白同埋 BB 細胞形成
一路鞏固皮膚代謝既速度，代謝得愈好愈穩定，皮膚會愈幼嫩同埋後生！
上面講既其實絕對 More than enough 嫁啦，正常黎講😂 因為佢好吸得滲透性好高，我再貪心多少少，係法國搵左一 D 好特別既野，叫做護膚級別既鑽石同埋幾種寶石礦物元素，微量化左之後加入 Pitanium 未來液，可以幫助修復每日受損細胞同加強皮膚免疫力之外，仲會有遠紅外線抗炎抗菌既特質，未來液 好細緻地比營養 BB 細胞，但同時好好咁守護住皮膚既生長環境，珠光寶氣唔係用黎戴嫁💎係用黎搽嫁😂
當未來液 係精華咁用：Toner > 3滴未來液 > 面霜
呢個係我既用法：Toner > 2滴未來液 > 精華 > 面霜
要用好 Toner、精華、同 Cream，同埋一樣吸收晒先搽第二層，底層>中層>表層咁去，就Very Good！
做完 Treatment 都用得，最好係用佢添！特別係一 D 嫩膚 同埋激活細胞生長既 Treatment 儀器，就係要用未來液做 Aftercare，比營養同埋保護，咁樣就會完美好多！
鳳凰精華
我無諗過到今日先出到第一枝 Pitanium 既精華——鳳凰精華！
呢一年 Pitanium 推出過咁多產品，佢比到最大成就感我，都未開始擺上 Website 賣，已經有差唔多 50個同事朋友留左！
基本上我覺得一支好既精華係點，我就放晒入去！最好既 Texture、最好既味道、最好既製造方法、最好既效果，當然我知自己會鍾意到不得了，但係無諗過佢可以係咁多擁有唔同膚質同埋皮膚問題既試用者身上都可以有咁好既效果！
我好少會講成份，但係今次好值得講，係薑黃！我本身已經對薑黃呢樣野係好深刻，我甚至乎誤會過佢會唔會係藥用成份所以咁勁。
我第一次接觸薑黃，係因為幾年前我朋友領養左一隻法國老虎狗 (佢叫呀星🐶)，可能因為血統問題而令到佢有皮膚病，成日都甩毛，成日𢯎痕，同埋紅到一撻撻，有時仲有味，然後我既一個獸醫朋友叫佢地買薑黃既 Supplement 撈係呀星 D 狗糧度比佢食，一個星期之後呀星唔單止無痕無甩毛，而且生出黎 D 毛又密又令，我覺得好神奇😮之後我做 Research，問中醫、問專家，愈了解得多就覺得佢愈巴閉！佢係皮膚既 “Superfood”！唔拎佢做護膚品直頭係浪費左呢件恩物！
當薑黃得到解放 (下面解釋咩叫解放XD)，成為護膚品既成份，連同事皮膚虛弱到成日乾到甩皮、泛紅既皮膚都可以無視敏感，皮膚細胞運作有秩序到不得了，以下係用過佢既 Feedback：
1. 超級抗敏，抗紅抗濕疹
2. 超級水油平衡，出油少左，毛孔細左
3. 超級鎖水，個妝明顯貼左持久左
4. 超級抗衰老，細紋少左而且皮膚變得好有光澤
5. 超級乾淨，皮膚白淨左，毛孔近睇無晒一點點
我直頭想將佢加入 SPA 既 Treatment 入面，但係我都有問過皮膚專家，點解薑黃呢樣野對身體同埋皮膚好到咁，街上面既薑黃成份產品絕大部份都係食品，無乜護膚品？
第一個原因：薑黃入面得 3-5%既薑黃素精華對皮膚好有價值而且穩定，但係要抽取呢 3-5%會好大工程，成本高過就咁變做 Supplement 食落肚好多。
第二個原因：薑黃素單用本身唔係一樣容易被皮膚吸收既野，要有技巧地製造、破壁、配搭(上面指既解放)，將佢變成比 Supplement 形態強好多直接好多既薑黃複方精華。
而解放薑黃素精華既就係菠蘿入面既菠蘿酵素，將兩種成份破壁再結合，薑黃既重點精華就會好快好直接咁比我地既皮膚細胞消化，所以 Pitanium 鳳凰精華 既效果黎得咁快同埋明顯！而且佢仲會比大量既 ATP (細胞能量)皮膚，每次用都幫皮膚叉電，加快皮膚修復同生長，當皮膚係全面咁變得好，用既產品又洗乜咁針對性？
呢幾年既護膚精華都玩針對性，針對敏感、保濕、美白、抗皺、控油！針對性強就會可以急救得到一 D 短期發生既皮膚問題，但係長期用既話，就會令皮膚變得唔夠平衡，美白左但缺水，多左水份但係唔鎖水，少左皺紋但係出油，所以要成日轉精華。Pitanium 鳳凰精華，掉番轉！當破壁精華夠 Fine，解放後又好快被細胞消化，敏感、保濕、美白、抗皺、控油呢堆問題本身就唔會發生、甚至比針對性既產品更快，健康既皮膚本身就唔會敏感、缺水、暗啞，而且會老化得好慢好慢！
而最重要係用 Pitanium 鳳凰精華 係一種對皮膚積極既調理，唔需要考慮咁多膚質問題！基本上所有膚質都岩用，而且可以長用，唔需要再不停轉精華，健康強壯左既皮膚就會好睇，亦都好易服侍，試上手既，只係考慮 Texture 就夠！
我完全知道”好”同埋”鍾意用”係兩樣野，“兩頭唔到岸” 同埋 ”剛剛好” 只係差一線，所以我地放左好多心機時間去做到呢個配方同 Texture！比較好既傳統護膚精華通常有兩大類，水性同埋油性！水性既會好快吸左入皮膚，但係相對上感覺好薄，好似厚少少既 Toner 咁，用完會覺得唔夠喉！而油性呢，會滋潤 D，但係偏偏用完 Toner 之後，油性既精華就好似點按都按唔入皮膚咁。所以鳳凰精華 用左 Water Gel 既，有油性精華既 Rich，負載到足夠精華營養，但係又會有水性精華個種同皮膚既相容性😎搽個時舒服，搽完又可以平均咁分怖係唔同既皮膚層運作！我就係鍾意呢種 Texture，又好推又好吸收同時又 Keep 得住持久！
我用左一排，仲有個好明顯既效果，一定要講！就係近睇皮膚同埋毛孔，感覺好乾淨，因為薑黃素係可以分解毛孔入面殘留既污垢，令到皮膚會好有種乾淨既細緻感！呢種乾淨既觀感令皮膚睇落健康同埋好睇好多！
用佢最簡單，如果皮膚近期出現皮膚唔穩定或者炎症，用左好快好，如果係其他老化缺水問題用佢，黑色素問題嚴重都係用佢，用完覺得皮膚愈黎愈好既，都係 Keep 住用，唔洗轉！皮膚會持續改善！
